:|: ساعات احس - اول مشاركة لي معكم :|:

[الصميدع المقاطي]

سلام عليكم ورحمة الله وبركاته ..


اول شي هذي اول مشاركة لي معكم ..

معاكم بدر المقاطي من قطر .. العمر : 16


وهذي القصيده :


ساعات احس اني محبة ومغليـــــه
ساعات احس اني من البعد مهموم

ساعات احس القلب بالحب يسقيــه
وساعات احس القلب بالحب محروم

احاول اني من صفا البال ممحيــه
واحاول اني مخفي الحب مكتـــوم

يا ليتني من بعد ذا الهجر ناسيـــه
المشكلة حبه على القلب مختـــوم

يا ناس منهو بايعن شخص يبغيــه
يا ناس منهو يبني البيت مهــــدوم

الحب ناس كثار تجهل معانيــــــــه
الحب وصل القلب للقلب مرســوم

يا مل قلبن فرحـــته ما تخـــــــــليه
حتى ولو في دنيته كان مظـــــلوم

ويا ويل قلبن ضيقته دوم تنـــــصيه
انا اشهد انه ضاع من غير مقسوم

ما عاد لي حبن ولا عـــــاد مغليه
ولا عاد لي راحة ولا عاد لي نوم







رايكم يهمني اخواني ..

[لطــام العــايل]

صح لسانك وبيض الله وجهك

قصيده جزله

[الصميدع المقاطي]

^
^

يرحم والديك على المرور .. وصح بدنك

[الصميدع المقاطي]

في انتظار الاخوان والنقاد الاخرين .. للأستفاده

[خالد بن مورق]

صح السانك لو انه البدايه كذا

يا مل قلبن فرحـــته ما تخـــــــــليه
حتى ولو في دنيته كان مظـــــلوم

[@ـايل]

وعليكم السلام ورحمة الله وبركاه .

حياك الله يابدر .. وماشاء الله عليك ..وصح لسانك بدايه موفقه ..

نتمنى منك المزيد من التفوق ..

..

[الصميدع المقاطي]

صحت ابدانكم اخواني وبنتظار المزيد ..

[محمد الشامان الحشيبري]

صح لسانك والقصيدة طيبه حاول تكتب غير الغزل والترك التكراررر متل ساعات ,ياناس,منهو ,الحب,عاد,احاول,القلب <لان التكرار يضعف القصيدة بس في الغزل مسموح

وتقبل مروري ولك مستقبل طيب في الشعر أذا اعطيته حقه من الاهتمام هذا ولك احترامي وتقديري

واصل مع المنتدى وتشوف الفرق بنفسك وهذي كلمات شاعر قادم و ركز على المفرده

[ابن صنهوت]

صح السانك يا بدر

[عمر الدغيلبي]

وعليكم السلام ورحمة الله وبركاته


يامرحبا والله فيك يا بدر في منتداك و بين ربعك وعيال عمك

وصح لسانك و بيض الله وجهك يا بدر

أبيات جميله جدا ً تناسبا ً مع عمرك

وبدايه موفقه جدا ً

واصل يالغالي و لك مستقبل شعري ممتاز

احترامي

[الصميدع المقاطي]

صح لسانك والقصيدة طيبه حاول تكتب غير الغزل والترك التكراررر متل ساعات ,ياناس,منهو ,الحب,عاد,احاول,القلب <لان التكرار يضعف القصيدة بس في الغزل مسموح

وتقبل مروري ولك مستقبل طيب في الشعر أذا اعطيته حقه من الاهتمام هذا ولك احترامي وتقديري

واصل مع المنتدى وتشوف الفرق بنفسك وهذي كلمات شاعر قادم و ركز على المفرده

صح بدنك ..


ان شاء الله سوف انوع ..

ويعطيك العافيه على النقد وان شاء الله ابتعد عن التكرار ..

ومشكور على التشجيع ..

[الصميدع المقاطي]

ابن صنهوت



صح بندك يا ابن صنهوت ..





..


عمر الدغيلبي


الله يبقيك ويسلمك ..


.. صح بدنك ووجهك ابيض

الله يسلمك على التشجيع .. والله يكتب الي فيه الخير ..



طبعا بنتظار المزيد والمزيد

[الصميدع المقاطي]

هل من مزيد .. ؟