العمدهـ .... متى ماسمح وقتك !!!!

[مازن الشيباني]

العمدهـ

اتشرف بمجاراتك والاستفاده منك
والعين ماتعلى على الحاجب

واستلم ,,,,





ياعجايب ياعجايب يازماني ياعجايب=والغراب اللي يريد يقلد بمشي الحمامي
ضيع المشيه من الثنتين والهقوات خايب=يازماني واعجايب وعلى الدنيا السلامي

[رعد الروقي]

هلا يابن مسيب انا اللي اتشرف بك


استلم ووترى الصلاة حانت




لا تغارب من زمانك وانت في وقت المصايب=يا كثر من يخدعه وقته ويقعد فالمضامي
كلما مريت قبر وشفت من فوقه نصايب=اطلب الله يا ولد شيبان في حسن الختامي

[مازن الشيباني]

المجنن تبلش العقال في كثر الطلايب=صورة انسان ان كشفت الصوره الهيكل عظامي
ابلشونا البدو يالعمده ليا صارت نشايب=والاسامي عند ربعك ياعجيبات الاسامي

[رعد الروقي]

بارك الله فالرجال اللي يحثون الركايب=كل ليلة يعقدون الحبل في يدين الحرامي
كل صاحب ملك عن ملكه يبا يدفع ضرايب=وان عجز صابه سهم في مقتله من كف رامي

[مازن الشيباني]

ابن مشيب مايهاب الموت لا جات الحرايب=مايدس الراس غير الخبل وطيور النعامي

عارفين الحر في نجد المسمى واللهايب=اظهر النور ويبين النور جلاي الظلامي

[رعد الروقي]

لا تعزوى قبـــل تاخذ موقعـــك بين الكتايب=في مواقيت السعة خلك تحت ظل الخيامي
العقيد اللي وقف في واجبه يوم انت غايب=ما يرد البندقية فالخوال وفالعمامي

[مازن الشيباني]

ابك ابن شيبان حلال العقد وقت الصعايب=في نهارٍ تكشف العذراء عن الستر اللثامي
والعقيد اللي وقف في واجبه ماهوب صايب=للهدف مير الغلط مرجوع في بعض الكلامي

[رعد الروقي]

الليلة نكمل ان شاء الله يا مازن الشيباني


اسمح لي الان



مضطر اخرج


تقديري لك

[مازن الشيباني]

الليلة نكمل ان شاء الله يا مازن الشيباني


اسمح لي الان



مضطر اخرج


تقديري لك


تحياتي ياعمدهــ

[خيال الأصيله]

الله الله



صحت السنتكم إبداع

[مازن الشيباني]

الله الله



صحت السنتكم إبداع


صح بدنك والابداع مرورك