المساعد الشخصي الرقمي

مشاهدة النسخة كاملة : ياسخيف الذرعان مافي وسواس


جهز العطاوي
03-Dec-2009, 12:14 AM
ياسخيف الذرعان مافي وسواس=لي حاجة بالعرض وأسعى وراها
وأسجد لقادرها على غفلة الناس=وأسأله الجنة يكمل عطاها
أسعى ورى حد مهاويه دراس=زيزوم نمراً قادها ماتلاها
علق حبالي فرخ واليوم قرناس=واللي بحالي للولي مشتكاها
أعوذ بك يارب من سعي الإفلاس=وأنته رقيب النفس تعلم خفاها
يابنت أنا هذي شفاياي يباس=أطابق الوجبات ما أشفق علاها
ماني وانا بندر بتباع الأنجاس=اللي قريبٍ تفلها من لحاها
أنا بدرب الصيرمي عدم الاجناس=زعيم روق اليا تنصت عداها


المرحوم بأذن الله / بندر بن سرور

ولدعساف
03-Dec-2009, 04:19 PM
الله يرحم بندر بن سرور شاعر مهما قلنا مانوفي حقه الله يرحمه الله يرحمه ويغفر له ذنوبه ويجعل قبره رياض من رياض الجنان أدعوله بالرحمه والمغفره

عمر الدغيلبي
05-Dec-2009, 03:33 PM
صح لسان الشاعر بندر بن سرور

والله يرحمه ويغفر له

شاعر لن يتكرر ولن تلد النساء مثله

سلمت ياجهز ولاهنت

أبوثنتين
05-Dec-2009, 08:06 PM
ماني وانا بندر بتباع الأنجـاس ................................. اللي قريبٍ تفلهـا مـن لحاهـا


الله يرحم الشاعر قوي المعاني

بندر بن سرور رحمة واسعة


لا هنت اخوي جهز

سلطان نايف العضياني
06-Dec-2009, 03:59 PM
كثرت التغييرات في بيت بندر التالي

منهم من كتبه/ماني وانا بندر على درب الأنجاس + اللي قريبن تفلها من لحاها


ومنهم من كتبه/ماني وانا بندر بتباع الأنجاس + اللي قريبن تفلها من لحاها


والصحيح هو/

ماني وانا بندر بفي درب الأنجاس+اللي قريبن تفلها من لحاها

أنا بدرب الصيرمي عدم الأجناس+مقدم عتيبه لاتنصت عداها

مشكور يالعطاوي

نشمي الحبردي
06-Dec-2009, 09:22 PM
اللهـ يرحم الشاعر الكبير / بندر بن سرور



وتسلم يمناك

ياجهز على النقل

1من العتبان
06-Dec-2009, 09:48 PM
الله يرحم



( متنبي عتيبه )



لاهنت ياجهز