لكن ياحوثي اسمع جاك رد الجواب

[عناد الشيباني]

إنكان ماسقت جزل الشعر سوق الركاب
في مدح ابو متعب اللي يستحق المديح
_____________________________
والله محسب لباق الشعر عندي
حساب
واكب باق القوافي كلها واستريح
_____________________________
لكن ابا أمدح زبون المجد زين الجناب
اللي جزيل الشعر دونه يقوم ويطيح
_____________________________
صقر العروبه رقا بالمجد فوق السحاب
بالفكر والسيف ويساعد فقير اوجريح
_____________________________
صقر العروبه على أسمه فاللقا مايهاب
يكو الخصم لين خصمه بالخوافي يبيح
_____________________________
ولاهي غريبه وابوه اللي يرد الصعاب
أخذ منه حكمته وأبدأ الكلام الصريح
_____________________________
إن لم تكن ذيب قد قيلت كلتك الذياب
وحنا نعاهدك مانهتز بيات ريح
_____________________________
ماهمنا حوثي اولاهمنا أهل الرهاب
قد قيل ماصح غير اللي مشا بالصحيح
_____________________________
خل العدو فمه يملا بالحصا والتراب
راع الردا والغدر والبوق فعله قبيح
_____________________________
ماعندنا الا السيوف اللي تقص الرقاب
لا منها سلت من الخوف عود يصيح
_____________________________
لكن ياحوثي اسمع جاك رد الجواب
والله لتبطي وصدرك من غبونك يفيح
_____________________________
الدار من دونها شيوخن سوات الهضاب
في سرعة البرق تقعد في مكانك طريح
_____________________________
والله ينصر هل التوحيد وأهل الكتاب
ماينصر أهل الكفر والشرك قوم المسيح
_____________________________

[@ـايل]

ياسلاااااااااااااااام ..

اسطّر اعجابي بالقصيده وراعيها .. صح لســـانك ..ياعناد

والله يوفق كل من يحمي حمى الدين والوطن ..

..
.

[محمد الشامان الحشيبري]

الله الله كلا م من قلب شاعر صادق
صح لسانك

ماعندنا الا السيوف اللي تقص الرقاب
لا منها سلت من الخوف عود يصيح
_____________________________
لكن ياحوثي اسمع جاك رد الجواب
والله لتبطي وصدرك من غبونك يفيح

[عناد الشيباني]

صح بدنك ومشكور كفيت اوفيت

[عناد الشيباني]

صح بدنك ومشكور على أقتباس الابيات