تسجيل الدخول

مشاهدة النسخة كاملة : جيش السعودي لا نوى ثم تقدم

سلطان المفرجى
29-Nov-2009, 11:38 PM
السلام عليكم ورحمة الله وبركاته


بعد غيبه وتواصلا مع الاحبه والمنتدى الغالي اليكم هذه الابيات ارجو ان تنال بعض من استحسانكم










الجيش السعودي






يالله يا منشى مزونٍ تراكم = مثل الجبال الي على الارض وقيف



وبامرك حنين الرعد فيها ترزًم =ثم هلت مزونه وحول على الريف



انك تعزالدين وبكل مسلم= تدحر هالطاغوت والظلم والزيف



الي على الاسلام واهله تهكم = في قلوبها غل ونجاسه وتحريف



اهل الفتن واهل العقول المسقّم= بانت نواياهم مثل بارق الصيف



يا زمرة الطاغوت بدري وتحلم =دار السعودي ما تجيكم على الكيف



من دونها رجالٍ ترش العدو دم= واقسى على العدوان من شمًخ النيف



جيش السعودي لا نوى ثم تقدم =يطيب فعله في صعيب المواقيف



لاحان وقت المعركه ثم تحزّم=جنودٍ على ريح الشهاده ملاهيف



على العدومثل البنا لا تهدم = اليا هوا عقّب دمار وتخاويف



لافرق بين الجندي ولا المقدم = لاجل الوطن تسقط جميع التواصيف



في ظل حكامٍ لبيته تخدّم =ودستورها شرعه بكل التصاريف



دوله على الاسلام تبني ماتهدم =والله حباها بالحرم زود تشريف



ما يضرها الحاقدولوهو تهجم =ولو كثرة هروج العقور الملاقيف



وختامها صلاة ربي واسلم =على نبيه عد فتح المضاريف

سلطان المفرجي00000000000000000000000000
ابورازن فالمريخ
29-Nov-2009, 11:42 PM
صح لسانك وكل عام وانت بخير
ابن صنهوت
30-Nov-2009, 12:38 PM
صح السانك يا سلطان مبدع كعادتك يالذيب ويستاهل الوطن والله ينصر جيشنا ويحفضهم

وكل عام وانت طيب
سلطان المفرجى
02-Dec-2009, 07:15 PM
ابو رزان الروقي صح بدنك لاهنت

وكل عام وانت بكل خير
سلطان المفرجى
02-Dec-2009, 07:17 PM
صح السانك يا سلطان مبدع كعادتك يالذيب ويستاهل الوطن والله ينصر جيشنا ويحفضهم

وكل عام وانت طيب




ابن صنهوت صح بدنك ولاهنت

وكل عام وانت بخير
@ـايل
02-Dec-2009, 07:43 PM
وافي ياسلطان .. اسمحلي اسجّل اعجابي بالرائعه .. والجيش السعودي يستاهل ..

صح لســــــــــانك

..