تسجيل الدخول

مشاهدة النسخة كاملة : الصقيل المجرب ,, لاهنت

فرهودي
29-Nov-2009, 08:35 PM
يالصقيل المجرب لاتصيد النعامه = لوٌ من صيدها تملا القدور بلحمها
دامك الي ربط في وسط جنبه حزامه = دوٌر الي تدهن شاربك من شحمها
صميدع جمجمة
29-Nov-2009, 09:12 PM
فرهودي مساك خير

انا ما ابغى اتحمس وبعدين تعطيني خامس

تسمح لي اتحاورك معك بالنيابة عن الصقيل المجرب ؟؟

والسد واحد

وانتظرررر ردك يااا فرررهودي
فرهودي
29-Nov-2009, 09:14 PM
ههههه

يشرفني والله

بس الابيات موجهها للصقيل المجرب علشان فيها معنى خاص للصقيل المجرب ابغى اناقشه فيه

ولا تستعجل الخير جايك ان شاء الله
عزوز النفيعي
29-Nov-2009, 09:32 PM
الله الله




لاتلوم المولّع لوقنّص في تهامه=سّج رجله وروحه ماتضيق بنسمها
للكبر فالوجيه القشر تبدي علامه=وكل صيده مزهبّ في ذراعي سهمها
صميدع جمجمة
29-Nov-2009, 09:44 PM
هههه الله يعطيك العافية يا فرهودي

والجايات اكثر ومااااااااعندك اي مشكلة وخذ راحتك انت والصقيل والليل الليل

واسمحوا لنا يا الربع كان تدخلنا

هههههه في امان الله يا فرهودي وتراي انتظرك وودي اتحاور معك ومحاورة شروك شرف يعلم الله

لا اخلاق ولا شعر ولا توازن في التصوير وبعيد عن الغموض بالمختصر > المحاورة الاولى لنا اسعدتني وشرفتني

في اماااااااااان الله واعذرونا على ^^^ الاطالة
محمد الشامان الحشيبري
29-Nov-2009, 09:45 PM
فرهودي @ الصقيل المجرب صحت القلوب والالسنه فرهودي معليش بدعت بدعه جديده وماكنت ادري انك طلبت الصقيل وطلبتك وأعذرني واصلللووووووو
عزوز النفيعي
29-Nov-2009, 09:47 PM
صميدع اررررررحب تراحيب المطر وفرهودي شاعر وجزل واخلاقه رائعه


والطلب الليله عليه من الشعار الله يعينه والجايات أكثر وأبرك
عزوز النفيعي
29-Nov-2009, 09:48 PM
ارررحب يالشامان وصح بدنك
فرهودي
29-Nov-2009, 10:00 PM
ماعلاها حسوف ولا وراها ندامه = خيرها ياطويل العمر يشبه عدمها
كل من حط له مشلح وثوب وعمامه = يحسبٌنه ليا خش المدينه حكمها
فرهودي
29-Nov-2009, 10:03 PM
صميدع الله يخارجنا منك بس هههه منت صيد سهل

والفائده لي اولا وخيرا من شرواك

اكيد لنا لقاءات كثيره ان شاء الله



شامان

صح بدنك وعادي طال عمرك انا توني انتبهت لبدعتك جايك ان شاء الله
عزوز النفيعي
29-Nov-2009, 10:15 PM
المشايخ مشايخ والهلامه هلامه=نمدحه للأجل ياصل بين عالي قممها
الجرب في بعيرٍ فوق رأسه خطامه=والمنيحه تعشي في حكم من وسمها
فرهودي
29-Nov-2009, 10:57 PM
كل شيخ ٍ محدث ماخافنا مقامه = مير بعض المشايخ ودك تصك فمها
زاد شيبه وفي الاعيان قٌل احترامه = بعد زلة عن دروب المراجل قدمها
عزوز النفيعي
29-Nov-2009, 11:48 PM
الله الله




كيف يجهل ورجلٍ باديٍ في سلامه=اختلط العرب ويا العجم من عجمها
ذيب يسري على النايف ويطوي ظلامه=يوم أم القرين تنوح سيلٍ دحمها
محمد الشامان الحشيبري
30-Nov-2009, 12:04 AM
قمة الجزاله والعلم واصل رنيه
عزوز النفيعي
30-Nov-2009, 12:20 AM
قمة الجزاله والعلم واصل رنيه

ارررررحب يالشامان والجزاله منك وفيك يالذرب
فرهودي
30-Nov-2009, 12:32 AM
لايغرك سفيه ٍ مايثمن كلامه = لو تشوف العصا في كف يدٌه لزمها
سلعة ٍ ماتجمٌل طشها فالقمامه = قبل لاتنثر الخيشه علاكم فحمها
فرهودي
30-Nov-2009, 12:33 AM
الشامان الجزاله منك واليك صح بدنك ولاهنت
مرجح الميزان
30-Nov-2009, 12:38 AM
الصقيل وفرهودي صحت الألسن .. :)
فرهودي
30-Nov-2009, 12:41 AM
مرجح لميزان صح بدك لاهنت
عزوز النفيعي
30-Nov-2009, 12:47 AM
الله الله



ماندور لخبل القوم عذر وملامه=والعدا نعرف الفارس ومن هو هزمها
الندم من سكن فالبيت يارث ندامه=عارفين العرب وقريش تعبد صنمها
عزوز النفيعي
30-Nov-2009, 12:49 AM
الصقيل وفرهودي صحت الألسن .. :)

ارررررحب يامرجح الميزان وصح بدنك يالقرم
فرهودي
30-Nov-2009, 01:23 AM
الله الله


ياآبو زيد الهلالي لايمهك دلامه = قدركم فوق واهل الزود ترفع علمها
الرسايل تراها فوق مكتب أوبامه = قلت كل الحقيقه والعرب متهمها


الصقيل المجرب

بيض الله وجهك
شكرا على استجابة الدعوه

تشرفت بمجاراتك وصح لسانك يالقرم
عزوز النفيعي
30-Nov-2009, 01:45 AM
صح بدنك يافرهودي


وبيض الله وجهك يالجزل


ويشرفني اللعب مع مثلك وشروااك



واستلممممممممممممممم الختام








ماذكرت الجبان ودوب ترعش عظامه=ولاهوو بحامي المفلا وتسلم غنمها
الخبر ياعميلي في جناح الحمامه=ولايضيع الخبر والناس نعرف ذممها
صاهود
30-Nov-2009, 05:51 AM
الله الله

صحت الالسن والقلوب جميع
فرهودي
30-Nov-2009, 08:14 AM
هلا ومرحبا بصاهود

صح بدنك يالغالي
عزوز النفيعي
30-Nov-2009, 01:53 PM
الله الله

صحت الالسن والقلوب جميع


صح بدنك ياصاهود وهلا فيك
الحوووووت
30-Nov-2009, 06:02 PM
الله الله الله صح لسانك يافرهودي مبدع في كل قاف بيض الله وجهك


وصح السانك ياالصقيل على الابداع وبيض الله وجهيكم جميعااا تحياتي
فرهودي
30-Nov-2009, 08:02 PM
الحوت صح بدنك ووجهك ابيض الابداع منك واليك ياطويل العمر
عزوز النفيعي
30-Nov-2009, 09:08 PM
الله الله الله صح لسانك يافرهودي مبدع في كل قاف بيض الله وجهك


وصح السانك ياالصقيل على الابداع وبيض الله وجهيكم جميعااا تحياتي


اررررررحب يالحووووت وابيض وجه وصح بدنك
شاعر شعبي
30-Nov-2009, 09:28 PM
طارووق كااايف


شكرا لكما يا فرهوودي ويالصقيل المجرب



تقبلا تحياتي
عزوز النفيعي
30-Nov-2009, 09:36 PM
طارووق كااايف


شكرا لكما يا فرهوودي ويالصقيل المجرب



تقبلا تحياتي


اررررررررررحب ياشاعر شعبي والشكر لك على مرورك يالذرب