سلطان بن دحيم ....اذا وقتك يسمح

[رفيع المنزل]

مبروك ياسلطان عيدك والعيادي عايده = عليك وانت بخير وربوعك عتيبة كلها
لكن كبيرين العمايم ماوراهم فايده =مهما تبي تحسن لهم تبقى الكبود بغلها

[محمد سعيد القحطاني]

صح اللسانك يا رفيع و اللسان قبيلك

[رفيع المنزل]

السنحاني صح بدنك

[سلطان بن دحيم]

عيدك مبارك واللذي عايد لزوم نعايده = لعل كل ايامكم عيد وفرح لعلها
انته غفلت وصار وقتك بين نوم ومايده = وانته تشوف البرق فالمزنه ولا تفطن لها

[سلطان بن دحيم]

السنحاني صح بدنك

[رفيع المنزل]

الفرق من بيني ومن بينك دروبه نايده = انا بطوعي وانت غير تجيبها في حلها
والله ياراع الكيد ياسلطان غير اكايده = لكنّ من طيبي ليا شفت العيوب ازلها

[سلطان بن دحيم]

ما بان وسم بعيرك اللي يا بن وايل قايده = خل الجمال الغفل بالله يا صحيبي خلها
انته كفو لكن انا اشوف المشاكل الزايده = ويا كثر ناس(ن) قامت دموع العيون تهلها

[رفيع المنزل]

ترى المطية فالسفر تبغى سنع ومحايده = ياللي تبي تعقد عقود ٍ مايعسر حلها
انته تقوله والرخا والامن حاجه سايده = لاشك رح لاهل الفساد المخربين وقلها

[سلطان بن دحيم]

اقول من صادك تبى تبطي ولا انت بصايده = لكن ما ناكبك غيري والحموله شلها
يا شاعر المعنى لا تلبس لك ثياب(ن) بايده = يا راعي الالغاز وش علمك تبين حلها

[رفيع المنزل]

مانت بمحصل من ورى كلمتك ناس ٍ شايده = من قدمها كل المسامع يالعميل تملها
لو كنت تنظر في عطا يمنك وشهي جايده = ماعاملتك الناس غير بمثل ماتعملها

[مرجح الميزان]

تسجيل حضور .. صحت الألسن .. :)

[سلطان بن دحيم]

وطيت لك جمر(ن) حمر لو كان ما انت برايده = هذا جزا من سار فدروب(ن) ما هوب يدلها
صاحبك اله خبره ولا تصعب عليه الكايده = حط المعاديل ويبين دقاقها من جلها

[سلطان بن دحيم]

مرجح الميزان

حصورك مكسب طال عمرك

لاهنت

[رفيع المنزل]

تبقى الجبال الثابته فالارض ماهي مايده = لو الهوى حاول يحرك صخرة ٍفي ظلها
القاع ممحل مار انا طعت العسوس الرايده = وغرست غرسه فالمحل عيا السحاب يبلها

[رفيع المنزل]

مرجح الميزان

صح بدنك ومتابعتك شرف

[سلطان بن دحيم]

سلطان تأكيل الخصم جمر(ن) حمر عوايده = صرف على كيفك وكبدك ما يبرد غلها
اللي يحاول يكسي العربان من قلايده = ما يدري ان قلادته ملكه وهو ملك لها

[سلطان بن دحيم]

الختاااااااااااااااااااااام عندك

لاهنت

وصح لسانك

تصبح على خير

[رفيع المنزل]

خلاص ابا اشهد لك ومثلي تنقبل شهايده = انته من ابداعك ترى خصمك معاك يفلها
اللي قديماته تحت ماترتفع جدايده = ياللي شرد فكرك عن الفكره عسى افد ًلها

[رفيع المنزل]

الله لايهينك ياسلطان

وصح لسانك وبدنك


وليت الختام عندك


وانت من اهل الخير

[ابومتعب الرويس]

ابدعتوا ولا هنتو وصح السنتكم على هالابداع


صحيح ان محدن معه خبره عليكم زايده
ومحدن يزود عقولكم في دقها وفي جلها

حتى في كيد النساء انتم فوق الكايده

وان مافهمتو مقصدي روحوا دورو حلها



تقبلوا مروري