خلاص روح مابك إية حسوفه ..!!

[مدسم الشوارب]

رسالتي عنوانهآ حب واشواق ..,,.. للغالي اللي مبطي(ن) مانشوفه
بعده حرق قلبي كمآ بروست حراق ..,,.. وعذبني في بعدهـ بطعنة سيوفه
كنآ مثال الحب بقلوب عشاق..,,.. وكنآ نعيش الحب بحلى طيوفه
كبوة جواد الحب طاحت ولافاق ..,,.. ومن بعدهآ ماجات كفي كفوفه
وقتي غدابي وادري الوقت سراق ..,,.. وقتن يخلي من تحبه تعووفه
جيش الغلا جاكم وبه حسن الاخلاق ..,,.. من هو يشوفه يصبح اسعد ضيوفه
احرص على عنقك ومن بين الاعناق..,,.. من جيش قلبي جاك جامع صفوفه
جيشن ماهو من مصر ولا من عراق ..,,.. جيشن بعينه شر واكثر عنوفه
مرآت اهدد بس قلبي ليآ ضاق ..,,.. ومرآت احطه وسط عيني وجوفه
احترت انا من هم قلبي ليآ ذاق ..,,.. هجرك وقلبي زاد منك نزوفه
ياعين كفي الدمع من بين الاحداق ..,,.. فالصاحب اللي مابه اية حسوفه
ماعاد ذاك اللي ليآ ابطيت يشتاق ..,,.. ولاعاد ذاك اللي بقلبي حروفه
اعطيه فرصة حب من كل الاعماق ..,,.. وادعي لو أن الشمس تجلي خسوفه
بعدين يخفق بعدهآ يعلن اخفاق ..,,.. ويقول فالدنيآ تحدهـ ضروفه
ياهيه قلبي صابه اليوم ارهاق ..,,.. من كثر زلاتك وقلبك وخوفه
ماودي اسوي هنآ هوش واخناق ..,,.. خلاص روح مابك اية حسوفه

وسلامتكم

في انتظار رايكم فيمآ خطت اناملي علمآ بأني مبتدئ فالشعر النبطي

وشكرآ

[كاتم الاسرار]

انا من ناحيتي كمتذوق للشعر

اشووف ابيآتك لا يعلى عليهآ روعه جدآ

وشكرآ

[ابورازن فالمريخ]

صح لسانك وابيات جميله وكل عام وانت بخير

[مدسم الشوارب]

اشكركم على المرور

لكن عندي ملاحظه للآسف على من يشاهد الموضوع ولايرد

وانا لاحظت هاذا الشي في اغلب اعضااء المنتدى

ان الموضوع الذي يكون فيه نقص او موضوع بارد او اي شي من هالكلام

نلاحظ انه يتم تلافي الموضوع وعدم الرد عليه !!

وهاذه من الصفات السلبيه طبعآ

يعني يااخي الكريم اي موضوع ماعجبك او اي شي

رد عليه وتكلم عن النقص المتواجد فيه

عشآن اللي يشووف يعرف

حتى لو كان ردك خطآ مو مشكله

الاختلاف فالرأي لايفسسد فالود قضيه

هاذا اللي حبيت اوصله لكم وشكرآ

[ابو خليفة العتيبي]

ماشاء الله تبارك الرحمن أبيات قمه في الجمال والروعه

الله يعطيك العافيه فعلا مبدع

بس عندي طلب : لاهنت إذا تقدر تكتب قصيده بي وتدعو الله انه يجمعني بولدي وأمه

لأني ابغى ارسلها لام خليفة وانا أطلب جميع الشعرااااااااااء اللي يقدروون يكتبون القصيده

((( الفزعه )))

والله ان قلبي محروووووووووق والله المستعان

إذا تقدر تكون سويت بي معروف وإذا ما تقدر أنا شكرك كل الشكر على الابداع هذا بس

فعلا هيظت الجروح

[مدسم الشوارب]

ابو خليفه

آسعدني مرورك يالغالي ولي الشرف في مرورك

وسأحاول ان البى طلبك بمآ انك رديت على موضوعي

واتمنى من الشعار ان يساعدونك في موضوعك

شآكرلك