يدخل ويفرق سومت اجنيهاتها واريالها ,,, الطارف سديد

[البشيري]

السلام عليكم ورحمة الله وبركااانه.......

الطارف سديد... واول مصافحه




في منتدى الهيلا هل الميقاف والحد السنين = سلام تسليمة وفا من هاجسن يبرالها

السوق بيع ومشترى واللي يبى العرض الثمين = يدخل ويفرق سومت اجنيهاتها واريالها

[فرهودي]

عليكم السلام ورحمة الله

وحياك الله بالنيابه عن اهل المنتدى



يامرحبابك يالبشيري رحب ومن العايدين = في منتدى الهيلا ترحٌب بالرجال رجالها
حنا ترانا مانضحي غير بالكبش السمين = مانطرق السكين للي ديسها لعيالها

[البشيري]

البقاااا يالفرهودي




دام البقا بك يالمرحب من يسار ومن يمين = دام البقا وام الكباير فسخت سروالها


بسم الله الرحمن يوم العلم الاول وين وين = ماتدري انته في جنوب الدار والا اشمالها؟؟

[فرهودي]

يالله دخيلك كان راحت مثل ذيل ابا الحصين = بعض السوالف شرهة الي فالمجالس قالها
حنا ليا حان الطلب جينا سوات الفاتحين = مانرجع إلا لين ناخذ خيلها وجمالها

[البشيري]

الفرهودي عن اذنك عندي لزوووم جدا ضروووري ابقضيه وارجع ونكمل



يالله دخيلك كان ماتعرف علوم العارفين = والا الجزيره دوب ماشوش علاك ارسالها

العافيه زينه ودوك العلم والقاسي يلين = حنا عرفنا لحيتك ياصاحبي واسبالها

[فرهودي]

خذ راحتك ومتى مافضيت تلقاني موجود



يالبشري الي تلطم خدودك علشان الحسين = مجاك غير الي يحلٌ من العقود حبالها
اليا قريت الفاتحه خلك وراي تقول آمين = مادامك الي ماحفظت قصارها وطوالها

[نوآف الغنامي]

صحت السنتكم



وااااصـــــــلوا



متااااااابع

[الحوووووت]

الله الله الله

صح لسانك يالبشيري




وصح السانك يالفرهودي ( مانطرق السكين للـي ديسهـا لعيالهـا ) شطر متعوب عليه بيض الله وجهك

[فرهودي]

خيال الصفراء

صح بدنك وشكرا لمتابعتك


الحوت

حياك الله يالحوت عندك الخير والبركه

وصح بدنك

لاهنت

[البشيري]

لاوالله الا قمت تكسر يدك ياعبدالمعين = لاكن انا باقول والعقده على حلالها

ان كان ماتدري ترانا ياعميلي مسلمين = والا العلوم الثانيه تسعى ولا نسعالها

[البشيري]

خيال الصفراااا

لاهنت على مروووورك العطر

الحووووت

لاهنت على مرووورك العطر وصحت ابداانكم جمييع ومروووركم شرف

[شاعر شعبي]

البشيري والفرهودي


واصلوا لاعدمتكم



طاروق كايف



متابع

[فرهودي]

يدٌي سليمه مار عينك كأنها من غير عين = ماسقت غير الدله الي ينشرب فنجالها
يالصاحب الي في كلامه شيء شين وشي زين = ترا الوعد يابو سعد فالمقبلات ليالها



صح لسانك وبيض الله وجهك

الاذان ماهو بعيد وورانا بكره صيام

ولنا لقاء ان شاء الله

والمعذره على القصور

[البشيري]

فرهودي صح السانك وبيض الله وجهك وعزالله انك شاعر جزل واني تشرفت باللعب معك

ولنا لقا قادم بأذن اللله