في ذمتي ما عاد باقي رياجيل.!!!

[وصل العطياني؟؟؟]

ســلام علاكم :)


هذي طبوعي كل ما عسعس الليل=أصلّـح الدلـة وأجـر اللحونـي
بريـةٍ موزونـة البـنّ والهـيـل=والماء بوزن وحيّ هاك الوزونـي
منهـا تكيّفنـي ثلاثـة فناجـيـل=وأرتاح ويطير السهر من عيونـي
وأراجع الذكرى وأجـرّ المواويـل=والذكريـات بكـلّ شكـلٍ ولونـي
البعض منها يشرح الصدر بالحيل=والبعض لا والله يجـدد طعونـي
وأرجع وأفكّر في الليال المقابيـل=لعل وقتـي مـا يخيّـب ظنونـي
وأدخل على الله من حياة الغرابيـل=حيث إن همّي ما تشيلـه متونـي
كنّك مفصّل فوقي الهـمّ تفصيـل=لين إلتبسني مثل لبـس الجنونـي
حالي كما حال القلوب المشاغيـل=اللي من أطرف شـيء يتأثّرونـي
لو يشتكون الغبن والجور والميـل=للغيظ وسط صدورهـم يكتمونـي
فكّرت الا الموضوع يحتاج تحليـل=وفنّ الدراسة واحـدٍ مـن فنونـي
عرفت وش عكّر مزاج المشاكيـل=يوم إنهم مـن وقتهـم يشتكونـي
أول سبب: نقالـة القـال والقيـل=الطغمة اللـي جعلهـم يذهبونـي
قلوبهـم بالحقـد سـودٍ مغاليـل=ومن طبعهم بالمشكلة يفرحونـي
وثاني سبب: ناسٍ على مثل ما قيل=لا يقطعـون الشّـر ولا ينفعونـي
والله ما يرفع ضغطك إلا المهابيـل=العالم اللي في النحـر ينشبونـي
وثالث سبب: ناسٍ سوات المخاييل=على سلوم الطّيب ما يحرصونـي
خلّو سلوم أجدادهم رغو مع سيـل=وفي عالم التقليد جو يركضونـي
طشّوا عمايمهم ولبسـوا بناطيـل=والموس فال أشنابهـم والدقونـي
وأرقابهم ما سلمت من السلاسيـل=تطبّعوا بطبـوع هيـم البطونـي
في ذمتي ماعـاد باقـي رياجيـل=إلا القليـل وجعلهـم يثبتـونـي
صفّة بعد صفّة وجيلٍ بعـد جيـل=كلٍ من اللي قبله أنقص وأدونـي
هذي هي الأسباب من دون تفصيل=شرحت روس أقلام بس أعذرونـي
واللي يبي تفصيل بالحيل بالحيـل=يقـدر يكلمنـي علـى تيلفونـي




تحيااااااتي

[الطير]

تسلم تسلم تسلم

اخوي وصل العطياني

بيض الله وجهك اشهد انك ابدعت فيها

حتى وصف الرياجيل فيها اشهد انك فصلتهم تفصيل

{{{^: صح السانك :^}}}

بس اخوي وصل انا ابي زود تفصيل

رقم ؟؟؟؟ ما اعرفه

[الوليد الاسعدي]

واللي يبي تفصيل بالحيل بالحيـل
يقـدر يكلمنـي علـى تيلفونـي

صح لسانك يارجل !!!!!

[((الدلبحي))]

الاخ العزيز
وصل
تسلم وصح السانك قصيده جزله
ولاهيب غريبه من واحد مثلك يقدم ماهو جزل
تقبل تحياتي

[الــوآفــي]

والله ما يرفع ضغطك إلا المهابيـل
العالم اللي في النحـر ينشبونـي

يااااااا كثرهم الله يذهبهم

صح لسانك وشكرا لك

[داهية عتيبة]

صح لسانك مليووون أخوي وصل




رائع ومبدع كما عودتنا



لا عدمناك ونتطلع لجديدك




تحياتي ..

[بن بادي]

هات تلفونك يا وصل !!

صح لسانك

بيض الله وجهك يا ابيض الوجه

جزاله وقوة في المعنى

الله يعطيك العافية .. لا هنت يالعطياني

بن بادي

[الدلبحي]

تسلم يا وصل وصح السااانك

[عضياني نت]

صح السانك ياوصل

[مروي العطاشا]

صح الله السانك ياشاعرنا العزيز وصل العطياني
تقبل تحياتي

[وصل العطياني؟؟؟]

هلا أخوي "الطير"

ولا هنت على مرورك الكريم ...

والرقم يوصلك :)



تحيااااااااتي

[ذيب السرية]

صح لسانك اخوي وصلل
جزلة من راس جزلل رائعة بمعنى الكلمة

[وصل العطياني؟؟؟]

واللي يبي تفصيل بالحيل بالحيـل
يقـدر يكلمنـي علـى تيلفونـي

صح لسانك يارجل !!!!!


صح بدنك يا بعد كل الرجال :)

مرورك له طعمه ...

ومشتاقين لك حيل حيل ..




تحياااااااااتي

[نادر بن طريخم]

الأخ / وصل العطياني

نشكرك على إتحاف المنتدى بهذه القصيدة الرائعه

وصح لساااااانك وإلى الأمام دائما ً



أخوك / نادر

[نياف العتيبي]

والله ما يرفع ضغطك إلا المهابيـل
العالم اللي في النحـر ينشبونـي

يااااااا كثرهم الله يذهبهم

والتلفوووون ماكتبت رقمك

الدعوى فيها تهررررررررررررب

صح لسانك وشكرا لك

تقبل اعجااااااااب اخوك بما تخط وتنضم

الناااااااااايف

[ابن مشيب]

قمة في اختيار الكلمات وتسلسل المعنى , قصيدة جزلة من شاعر عملاق...........


الله لايهينك يابومشهور على هالرائعة من روائعك



تحياتي

[حسن شامي الجعيد]

وصل العطياني

صح لسااااااااااااااانك ولاهنت

والله لايحرمنا هذه الروائع التي تنفرد بها

ولك تحياتي


حسن الجعيد

[الحر الأشقر]

لا إلـــــــــــــه إلا الله دائماً مبدع ما شاء الله عليك



صح صح إلسانك ولا باس يا أبو مشهور

أخوك/ الحر الأشقر

[الاجرب]

تحياتى للاخ وصل العطيانى
وصصصصصصصصصصصصح لسسسسسسسسا نك

[كريم سبلا]

علاكم السلام


الله عليك ياوصل


تسلم ويسلم السانك

ويسلم كيبوردك


صصصصصصصصصصصصصصصصصصح قلبك

[ابن جدعــان]

الله الله

بيض الله وجهك طال عمرك

وصح لسانك

ولكن لي ملاحظه مهمه جدا:

ترى في ذمتي حلف بغير الله ولا يجوز.

بارك الله فيك يا عمي وصل

[خليل المطيري]

بسم الله الرحمن الرحيم

وصل العطياني

السلام عليكم ورحمة الله وبركاته

صح الله السااااااااااااانك وسلم بنانك

وبيض الله وجهك على هذا التحليل وعلى هذه القصيده المميزه

ابدعت وامتعت لله درك اخي الفااااااااااااااضل

بارك الله فيك وفي اخلااااااااااقك

اخووووووووك

خليل المطيري

[وصل العطياني؟؟؟]

مناحي الدلبحي

صح بدنك ...

مرورك يشرفني ...


تحياااااااااتي

[الفراهيدي]

صح لسانك



اخوي وصل العطياني



بيض الله وجهك



والله انك صادق



تحياتي

[وصل العطياني؟؟؟]

ذيبان ...

صح بدنك ...

مرورك عطر ...



تحيااااااااتي

[وصل العطياني؟؟؟]

داهية عتيبة ...

صح بدنك ...

نورت وشرفت بمرورك ...


تحيااااااااتي

[الشمالي الغربي]

وصل العطياني
سلمت يمينك

قصيده بحجم شاعرها

ونقد هادف

صح لسانك ياوصل ولاهنت

[غشام نجد]

اخوي وصل العطياني

بيض الله وجهك اشهد انك ابدعت فها
لكن الرجاجيل واجد مليار ونصف المليار
تقبل قايق التحيات

[الشمالي الغربي]

خلّو سلوم أجدادهم رغو مع سيل
وفي عالم التقليد جو يركضونـي

طشّوا عمايمهم ولبسـوا بناطيـل
والموس فال أشنابهـم والدقونـي
وأرقابهم ما سلمت من السلاسيل
تطبّعـوا بطبـوع هيـم البطونـي

سلمت ودمت ياوصل وقصيده تستحق الإشاده
لا عدمناك.

[سلطان السليفي]

لاعلي الحرام
وانا اخوك ياوصل ماعد باقي رياجيل مدام هذه علومهم
اشكرك كل الشكر ياوصل
وصفت واجدة الوصف

راع التعاليل

[طويل الذراع]

صح لسانك ياوصل

والله انك صادق

تقبل تحياتي

[عجاج الليل]

وصل يالذيب تحياتي لك ... والله انك شاعر كفوووو. .... كفو يالاسد . هذا اللي اقدر اقوله . تحياتي لك

[مشعل بن حويد]

هذي هي الأسباب من دون تفصيل
شرحت روس أقلام بس أعذروني
واللي يبي تفصيل بالحيل بالحيـل
يقـدر يكلمنـي علـى تيلفونـي

تلفوني

الله الله
عزالله يا وصل انك مبدع و اتحفتنا بهالقصيده طال عمرك

يمكن ردي تأخر شوي مير والله ان القصيده اجبرتني على المرور والرد

صح لسانك يالقرم

عزالله ابدعت وامتعت

تحيااااااتي لك

اخوك/ مشعل//

[بادي الدماسي]

مقول الا شى واحد مايجيب الجزل الاالجزل
وانت قدها وقدودوالعين فى عين الحسود
اول سبب نقالة القال والقيل والطغمه الى جعلهم يذهبونى

الله يذهبهم عنا


وانت سالم وكل اعضاء المنتدى سالمين
وكل من قرا هالقصيده عضو ولا زاير سالم
وسلمت السانك ويمينك الى طبعت لنا هالرايعه

[الغيث]

صح لسانك













ياوصل

[ابن مرجاح]

صح لسانك


ياوصل

جزله من جزل

[وصل العطياني؟؟؟]

بن بادي ..

صح بدنك ...

ومشكور على مرورك لا عدمتك ...








تحياااااااااااتي

[مقعد الدغيلبي]

والله يابو مشهور وش بقول
ماقول الا صح اللسانك على الابداع
والصوغ الجوهري

[عز العرب]

وصل العطياني صح لسانك

ابداع من شاعر متمكن لله درك يابو مشهور

[صلاح العطياني]

صـــــــح لسانك ياوصل وسلمت يمناك

[ابن ناشي]

صح لسانك وبيض الله وجهك

[نايف العبيد العتيبي]

وصل


/


وشعرك وصل ياحيي




صح لسانك ولاهنت




دمت بود






.

[عمرالروقي]

وأراجع الذكرى وأجـرّ المواويـل
والذكريـات بكـلّ شكـلٍ ولونـي
البعض منها يشرح الصدر بالحيل
والبعـض لا والله يجـدد طعونـي
0
0
0
0
0
صح لسانك
ياوصل العطياني
ولاهنت
قصيده جزله
ومتاكد انها ماتحتاج
زر التليفون
00000000000
وصلت الفكره
هههههههههههه

[ابو مشاري]

صح لسانك

على هذه القصيدة الرائعة

[ذياب]

عرفت وش عكّر مزاج المشاكيـل
يوم إنهم مـن وقتهـم يشتكونـي
أول سبب: نقالـة القـال والقيـل
الطغمة اللـي جعلهـم يذهبونـي
قلوبهـم بالحقـد سـودٍ مغاليـل
ومن طبعهم بالمشكلة يفرحونـي
وثاني سبب: ناسٍ على مثل ما قيل
لا يقطعـون الشّـر ولا ينفعونـي
والله ما يرفع ضغطك إلا المهابيل
العالم اللي في النحـر ينشبونـي


,

,,

,,,

الله الله ياوصل:)

صح السانك مليون وبيض الله وجهك

مودتي و تقديري

,,

,