تسجيل الدخول

مشاهدة النسخة كاملة : الليلة الكبتن خيوله تقل مافيها عنان ..كبتن عتيبة

رفيع المنزل
24-Nov-2009, 06:13 PM
الليلة الكبتن خيوله تقل مافيها عنان = ماغير مطلقها على كل الجهات الاربعه
لكن ليا وقفت له عشره تبي ترجع ثمان = وانا طبيبك ياوجيع ٍ مالقو طب وجعه
صاهود
24-Nov-2009, 06:32 PM
الله الله

يارفيع المنزل

صح السانك

والصف مايحتاج صفك
رفيع المنزل
24-Nov-2009, 06:43 PM
صح بدنك ياصاهود

والصف يزهى بك

مار الكبتن طلع ؟؟؟؟
فواز السعيدي
24-Nov-2009, 07:10 PM
يا ساتر


الليل الليل


ننتظر الكبتن



صح لسانك يارفيع المنزل



متااابع
رفيع المنزل
24-Nov-2009, 07:12 PM
صح بدنك يالسعيدي

متابعتك مكسب


والله لي اكثر من نصف ساعة


مار اباطلع وكل مطرود ملحوق
كبتن عتيبه
24-Nov-2009, 07:24 PM
الله الله


اسف خرجت وتوي رجهت......


اليا وصلك الفارس اللي ممتطي ظهر الحصان=يمكن يقص السيف راسك قبل لاتهرج معه!!
أنته علومك ياهذا من قلب ولاّ من لسان=ماني بخابر شاعراً لاجيت راسه يرفعه!!
مرجح الميزان
24-Nov-2009, 07:35 PM
ماني بخابر شاعراً لاجيت راسه يرفعه !!





أبك أبك أبك




صح لسااانك يالكبتن مار الصف صف رفيع مهماا يكن :)
رفيع المنزل
24-Nov-2009, 09:03 PM
اليا نجيت بعافيه لك شكرنا والامتنان = والا الجبل خلك بظله ماانت قادر تطلعه
هذا من العتبان ربعك مار انا ضامن ضمان = اني رجل يبغى يفرك مثل خاتم باصبعه
رفيع المنزل
24-Nov-2009, 09:07 PM
نوبروبلم ياكبتن عتيبة


ومشكور يامرجح الميزان

والصف يزهى بك

واشوى انك راضي وجهك مبتسم ماهو هاك الوجه الحمر ههههه
حاكم الغنامي
24-Nov-2009, 09:44 PM
طيب طيب


صحت الالسن والقلووب


متابع
ابو بتال الغنامي
24-Nov-2009, 09:52 PM
صحت السنتكم
ومتابع للابداع
كبتن عتيبه
24-Nov-2009, 09:59 PM
الله الله


ما انته بهادم لك كيان ولا أنت عامر لك كيان=في ساعة الشدّه يضيع اللي تقوله فالسعه!!
اليا عرفت أنَّك فلان ابن فلان ابن فلان=في سد وجهي مايجيك الا كلامً تسمعه!!
محمد الشامان الحشيبري
24-Nov-2009, 11:38 PM
صحت السنتكم ومصامط على طيب
رفيع المنزل
25-Nov-2009, 05:23 PM
يابلشتي فاللي يعود بي على نفس المكان = ابغاه يطحن مار مابه غير كثر الجعجعه!!
بعض الكلام اصد عن راعيه واصك الاذان = لاواصل ٍ ضره ولاني مدرك ٍ به منفعه!!
رفيع المنزل
25-Nov-2009, 05:26 PM
حاكم الغنامي


ابو بتال الغنامي


الشامان


صحت ابدانكم ووجودكم شرف
رفيع المنزل
25-Nov-2009, 05:30 PM
الشاعر الكبير كبتن عتيبة


والله المحاورة معك مكسب


واشوف ان وقتنا متفاوت


لكن اذا ماكملناها الليلة مالها طعم

انا بحدود 12 اكون موجود
زبن الجعفري العنزي
25-Nov-2009, 05:31 PM
رفيع المنزل


كبتن عتيبه


صح السنتكم والصف وااااايلي
كبتن عتيبه
25-Nov-2009, 11:04 PM
الله الله



حنّا اتبعنا جُرّتك والياك مثل العقربان=قمت اتلوّى والتلوّي يالله انّك تقلعه!!
أنته تدوّر يالعتيبي طعم هيل و زعفران=والاّ تريد اللّي يجي ..واللّي نجيبه تبلعه!!



الله يعين على الأشغال اللي تقطعنا منكم



تحياتي
سلطان بن دحيم
25-Nov-2009, 11:08 PM
أنته علومك ياهذا من قلب ولاّ من لسان=ماني بخابر شاعراً لاجيت راسه يرفعه

هههههه


كفو كفو كفو والله


صحة السنتكم

طاروق كبار

تحياتي
رفيع المنزل
25-Nov-2009, 11:31 PM
هذي وصايفها عليك وواضحه شوف العيان = وان كان عقلك ماقتنع طق بطوب ويقنعه!!
بعض العرب مايفهم الا بعد مطرق خيزران = واللي يجي نعطيك مثله لين بطنك تشبعه !!
رفيع المنزل
25-Nov-2009, 11:33 PM
المهم انك جيت ياكبتن


وانت ياسلطان مشكور على الحضور


وصح بدنك
عقاب العنزي
25-Nov-2009, 11:34 PM
ياسلام

صحة الالسن والقلوب مبدعين
رفيع المنزل
25-Nov-2009, 11:37 PM
راع الجدعا صح بدنك والصف يزهى بك



عقاب العنزي يالله حيه وصح بدنك يالذيب
كبتن عتيبه
25-Nov-2009, 11:52 PM
الله الله


بعض العرب يدعيك ويجيب الك كيلو برتكان=ويرمي الك السكين ويقول الميسّر قطَّعه!!
وانا أحمد الله مامضت فوقي على طول الزمان=الاّ قبل يومين في بيت حضريً ..ما اطقعه!!
رفيع المنزل
26-Nov-2009, 12:13 AM
اقول انا عارف عمان وكل ساحر في عمان = اغلبهم اللي مابه الهرج يقدر يجمعه!!
مايستوي للتقنيه واحد مخصص رعي ضان = لكن راع الواسطه مافيه مانع يمنعه!!
كبتن عتيبه
26-Nov-2009, 12:54 AM
الله الله


اشتر قاموس..وشوف لك.. معهد ..ودوّر ترجمان=اللّي مايقراء الإنجليز اليوم محسوب أمعه!!
ولا قصّر ابن سعود حط الك الوظائف والضمان=واللّي مع قطعة غنم سوّى لجلها مزرعه!!



رفيع المنزل


لك فائق الود والاحترام


تقل تحياتي
شاكر الثبيتي
26-Nov-2009, 01:11 AM
صحت السنتكم وبيض الله وجيهكم
رفيع المنزل
26-Nov-2009, 01:19 AM
(god by)( me frend)( you)( ded not)( maed in is jaban) =بالعربي انته حسابك من سقاط الامتعه!!
الله اكبر يالفقير اليا لبس له جبخان = مايدري ان اللي يبي يضحك لوجهه يخدعه!!


تشرفت باللعب معك


والى اللقاء ياكبتن ومابك حيلة
رفيع المنزل
26-Nov-2009, 01:22 AM
شاكر الثبيتي مشكور


وصح بدنك
كبتن عتيبه
26-Nov-2009, 01:24 AM
god by)( me frend)( you)( ded not)( maed in is jaban)

حنا بلشنا فيك عربي


ماهو بانلقش






هههههههههههههههههههه





تصبح على خير
شاعر شعبي
26-Nov-2009, 01:30 AM
المبدعان


رفيع المنزل وكبتن عتيبه


اشهد بالله انكم مبدعين



امتعتونا متعكم الله بالطاعه



تقبلوا اعجابي ومتابعتي
رفيع المنزل
27-Nov-2009, 08:53 PM
god by)( me frend)( you)( ded not)( maed in is jaban)

حنا بلشنا فيك عربي


ماهو بانلقش






هههههههههههههههههههه





تصبح على خير



اول شي عيدك مبارك وكل عام وانت بخير يالكبتن

والصراحة انا المستفيد من الشعراء الكبار امثالك

لي الشرف يالذيب

واعذرنا على الزلات والتاخير في الرد


الى اللقاء
رفيع المنزل
27-Nov-2009, 08:54 PM
المبدعان


رفيع المنزل وكبتن عتيبه


اشهد بالله انكم مبدعين



امتعتونا متعكم الله بالطاعه



تقبلوا اعجابي ومتابعتي


الابداع بحضورك ياشاعر شعبي


مشكور وكل عام وانت بخير ومن العايدين