لقيت بالعتبان خمسة عذاريب

[((الدلبحي))]

هذه القصه تهم كل اعتيبي لمافيها من العلم الطيب اسعموها واحكموا
ومناسبتها هي :

كـــان الـجـنـدي ثــامـر بـــن فــلاح الـشـمري فــي دوره عـسـكريه

مـسـؤولـهـا الــمـقـدم تـريـحـيب الـعـتـيبي .

وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى.
وعــاد بـعـد ان تـمـت دوره زمـلائـه وتـمـكن مــن الـتـخرج مـعـهم فأرسل والده

فـــلاح بـــن شـامـان الـشـمري هــذه الـقـصيده :


سلام مني للمقدم تريحيب &&& أعداد ما خط القلم بيد كتاب

وعداد ما غنوا هل الفطر الشيب &&& بأرض خليه ما بها غير الاعشاب

وأعداد ما ذعذع نسيم الهباهيب &&& وأعداد ما سجيت رجلي للأقراب

ماهي غربية منك يا كاسب الطيب &&& حلياك من نجم تبين ولا غاب

شريف ما يدخل على ساسك العيب&&& من يفعل الحسنا بالاجواد ما خاب

لقيت بالعتبان خمسة عذاريب &&& الطيب والنخوه وتقدير الاجنـاب

دون الخوي يا طون حر اللواهيب &&& وأن حدت الدنيا يفكون الاشناب


فـرد عـلـيـه الـشـاعـر المقدم : تـريـحـيب بـن سـويـلم الـعـتيبي قـائـلاً :-



حي الكتاب اللي من الشمري جيب &&& أقولها بالصدق ماني بكذاب

يا مرحبا عد النجوم المراقيب &&& ترحيب مشتاق ليا شاف الاحباب

بكتاب ابن شامان رجل المواجيب &&& فيه الجواهر بين صايغ وحساب

بنيت له بأقصى ضميري دواليب &&& هذا الرصيد الي كنزته وراء الباب

من شأن ثامر يرخصن المطاليب &&& جوينا الطيب له الحق غصاب

خوينا ننصاب مثله ليا صيب &&& نمرض معه ونطيب مثله ليا طاب

يا عل ما يفتق على مثله الجيب &&& والله يجيره من صواديف الاسباب



( ارجو ان تحور على رضاكم )

وتقبلوا تحياتي
منقول

[داهية عتيبة]

مشكووور اخوي الدلبحي




قصه رائعه



لا عدمناك يبن العم




تحياتي ..

[((الدلبحي))]

ياهلا وغلا
حيالله الرد وراعيه
مشكور على مرورك يابن العم

[ذيـب طـويـق]

لقيت بالعتبان خمسة عذاريب =الطيب والنخوه وتقدير الاجنـاب
دون الخوي يا طون حر اللواهيب =وأن حدت الدنيا يفكون الاشناب



خالي الدلبحي .... http://www.otaibah.net/m/images/icons/icon7.gif

مسيك بالخير والرضا والعافية طال عمرك ...

ماقصرت على طرح هالابيات الرائعه والجزلة

وهذا ليش بغريب على قبيلتنا ...

ودمت لنا يا أستاذنا ... http://www.otaibah.net/m/images/icons/icon7.gif

[((الدلبحي))]

مسيت بالخير وطولت العمر
حياك ومشكور على الرد
تقبل تحياتي

[غلاب الدلبحي]

مرحبا ولــــــــــــــد عمي والله ماقصرت ياطيب يالسويدي --------- وسلم على مشعان صنيتان ؟

[((الدلبحي))]

ابرك الايام يوم تواجدك ومشاركتك
يعطيك العافيه
سلامك وصل

[@العــــصيمي@]

الدلحبي اشكرك على هذي الا بيات وهذا مو شي غريب على عتيبه وشكرن يا ولد العم
وعلى طاري اعيال اصنيتان لا يكونون الي بالخفجي وارجو الرد يا ولد العم انا ولد عمك @العـــــصيمي......من الكويت@

[((الدلبحي))]

هلا وغلا
يالعصيمي يسعدني مرورك
اما بالنسبه لعيال اصنيتان فهم في الخفجي صحيح
وتقبل تحياتي

[الفداغي]

الاخوه اعضاء موقع عتيبه المحترمين
السلام عليكم ورحمه الله وبركاته
تنويه خاص
قبيله عتيبه تستاهل الكثير والكثيرمن القصيد وعتيبه فيها رجال والف نعم فيهم اصحاب مواقف رجوليه في ساحات المرجله ومواقف الرجال
وهذه القيصده هي ماقلت ضمن عده قصائد في رجال من عتيبه قلتها بهم وهم لهم مواقف مشهوده
اما بالنسبه للقصيده المذكوره هنا هي فعلا مثل ماذكرتوا لكن فيه شي واحد لازم تعرفونه ان الموضوع فيه التباس وهو ان القصيده ليست لفلاح شامان وفلاح اخ عزيز والنعم فيه ولكن ليس شاعر وانا اللي قلت القصيده
وهي مدونه عندي في ديواني الثريا ومسجله عندي من ساعه الحادث وانا استغربت من ناس قالوا لي انهم حصلوها في عده مواقع لذلك حبيت اوضح
دون الخوي ياطون حد اللواهيب وان صكت الدنيا يفكون الانشاب
يشوفون عطبين القلوب المصاويب ان صاح منكوبن من الوقت منصاب
برباعهم يلقى معزه وترحيب عند الوزا يبدي على الربع الاقراب
هذا وفى ياكاسبين المواجيب لاني براجيكم ولاني بطلاب


علي المحيا

يمنع وضع ارقام الجوال
واي استفسار انا حاضر

[((الدلبحي))]

الفداغي

اول شي الله يحييك في منتدى اعتيبه الهيلا ويشرفنا تواجدك

اما بالنسبه لردك على العين والراس وانتظر مكالمه مني

تحيااااااااااااااااااااااااااااتي

[خلف بن مرزوق]

00

الدلبحي

مساك الله بالخير انت والفداغي

القصيدة مشهوره بأسم والد الشمري

ولانعلم عن قائلها

ولكن اللي حبيت افيدكم فيه

ان المقدم هو الشاعر المعروف / تراحيب بن سويلم العازمي العتيبي


وهناك قريب له بمنتدانا

وهو السويلم

بأمكانك مراسلته واخذ الخبر منه


تحيااااااتي

[(((( المحترف))))]

مشكور الدلبحي على السالفه , وعتيبه مشهوره بلفزعات والطيب

[((الدلبحي))]

الاخ خلف مرزوق

مسيت بالخير ساكلم السويلم واتاكد من الموضوع

تحياااااااااااااااااااااااااااتي

[((الدلبحي))]

غبيوي الثقبه

نورت الصفحه

تحيااااااااااااااااااااااااااااااتي

[بن دريميح]

بيض الله وجهك يالدلبحي
مشكوووووووووووووووووووووووووور مليييييييييييييييييييييييييييوووووووووووون

[((الدلبحي))]

ابن دريميح

وجهك ابيض وعلمك غانم

تحياااااااااااااااااااااااتي

[النمر الروقي]

تسلم يالدلبحي
ما احلا هالعذاريب اللي تليق بعتيبه ..
عذاريب عتيبه كلها طيب .
تحيااااتي

[((الدلبحي))]

النمر الروقي

هلا وسهلا

دايم وفعول اعتابه تبيض الوجه

تحيااااااااااااااااااااااااااتي

[علوش الشمري]

الاخ الدلبحي اسعد الله اوقاتك بكل خير ومسرات
اسمحلي ادلي بدلو في هذا الموضوع الذي صار فيه
جدال وكلام كثير داخل الموقع وخارج الموقع
اول شي قبيلة عتيبه قبيله عريقة الاصل والمنشاء
ولها من المفاخر مايعادل رصيد بنوك العالم
ولايلحقنا الشك في طيب رجال عتيبه ومواقفهم
مع الرجال اما من ناحية القصيده والشاعر
انا عرفتها عن طريق الشاعر علي المحيا
والشاعر على المحيا له قصائد كثير في عتيبه
وهو من الناس المعجبين بفعال عتيبه ورجالها
وله قصائد مو جوده عندي يمدح بها عتيبه
وقصيدته المشهوره
(عـــــــــــــــــــــــذاريب)
يقول علي المحيا

انا علي راعي قصيدة عذاريب=يومن بيضان الوجيه ا سرقوها
وعلي شاعر ليس بحاجه اخذ حقوق الغير فهو شاعر متمكن
وشاعر له وزنه بين الشعراء
اما من ناحية شامان بن فلاح انا شخصياً ما اعرفه ونعم فيه
وشمرحلالهم واحد لكن هذه للئمانه الادبيه انها لعلي المحيا
ولكم جزيل الشكر والتقدير

[مرزوق حمدان العتيبي]

..
.
الطيب ليس غريب على اهل المواجيب..
..
والسناعيس يحبون عتيبه والعتبان يبادلونهم نفس المشاعر ..
وكمايقولون اذا اكرمت الكريم ملكته ..
..
ورد المعروف من شيم الرجال ..
اسجل احترامي للقبيلتين... ولكل .. القبايل ..

والله لايهينك يابو حمود على موضوعك ...

اخوكم ..

.

[غشام نجد]

مشكووور اخوي الدلبحي
قصه رائعه
لا عدمناك يبن العم
تحياتي وتقديرى لك

[((الدلبحي))]

علوش الشمري

ونعم فيك وفي شمر كلها قبيله عريقه وكفو للعلم الغانم والشاعر علي المحيا ونعم الرجل

قصيده جزله من جزل ومشكور على تعليقك

الاخ مرزوق تسلم على مرورك

الاخ غشام نجد لاهنت ياغالي

تحياااااااااااااااااااااااااااتي

[السويلم]

الأخ الدلبحي

بيض الله وجهك

وقصيدة الشمري أرسلها فلاح بن شامان الشمري والد الجندي ثامر على عمي المقدم تريحيب بن سويلم العتيبي ورد عليها كما ذكرت ياغالينا الدلبحي

أخوي علوش الشمري
والله ونعم بقبيلة شمر

والقصيده قصتها صحيحة كما ذكرها أخوي الدلبحي ومن فلاح بن شامان الشمري سواً كان الشاعر هو أو علي المحيا كلهم ونعم ومن قبيله عزيزه نكن لهم كل الحب والتقدير هذا للتوضيح


ولكم تحياااااتي

[((الدلبحي))]

السويلم

عسى عمرك طويل ماقصرت على التوضيح وهذا اللي بغيناه

تحياااااااااااااااااااااااااااااتي

[السويلم]

أنقل لكم رساله
[الأخ الدلبحي لك كل الشكر على تسجيل هذه القصيدة وردها في هذا الموقع

الأخ علي المحيا الفداغي بعد التحية والتقدير
أطلعت على ما وضحته عن قصيدة عذاريب عتيبة حيث قلت أن القصيدة لك
وأحب أوضح أن القصيدة وصلتني مناولة من يد فلاح بن شامان الشمري والد العسكري المصاب ثامر ومعنونه بأسمي بهذا البيت
سلام مني للمقدم تريحيب
أعداد ماخط القلم بيد حساب
الى آخر القصيدة ومن ضمنها عذاريب عتيبه الخمسه ومختومه بأسم الشاعر فلاح بن شامان الشمري فرديت عليه بالقصيده ومن ضمنها
يا مرحبا عد النجوم المراقيب
ترحيب مشتاق ليا شاف الأحباب

بكتاب ابن شامان رجل المواجيب
فيه الجواهر بين صايغ وحساب

وحيث أنه حصل أختلاف في لمن تكون هذه القصيدة والخلاف محصور بين فلاح بن شامان وعلي المحيا فانني أقول القصيدة خاصة لشعراء شمر وأقول بيض الله وجه الشاعر وقبيلته وإذا هناك التباس فهو لم يكن من طرف قبيلة عتيبة مع أحترامي وتقديري لأبو ثامر وأبو معالي
ولكم تحياتي
تريحيب بن سويلم العتيبي

[مرزوق حمدان العتيبي]

...
.

شكرا لك ........ والغريب ليه الشمامره مختلفين..!!!
لماذا هذا الالتبااااس..؟
لايمكن القصيده يسويها اثنين وتنسب لهم في وقت واحد ..
..
الا اذا كان المحيا .. مسويها على لسان شامان فهذا محتمل ..
...
الزبده نبي الكلمه النهائيه من القائل ؟؟؟
والى الان ماتوصلنا له.
..
..

[الفداغي]

السلام عليكم ورحمة الله وبركاته
اخواني انا قلت لكم اطلعوا على ديوان الثريا وانتم تعرفون صاحب القصيده

[السويلم]

الأخ الفداغي
عليكم السلام ورحمة الله وبركاته
هذه القصه والقصيده ورد القصيدة أورد تريحيب بن سويلم قصتها وما عرفه عنها
ونقول
ونعم بقبيلة شمر بأكملها
ولك تحيااااتي