ياعقاب وش قسمك اللي جاك من ورث ابوك ..!!!

[ناصر الجلاه]

..



الليله الليله الميدان مزروع شوك = ((جرح الخواطر )) يكفي مانبى .. المجزره !!

ياعقاب وش قسمك اللي جاك من ورث ابوك = سمعت قسم الرجل ساوا لقسم المره !!

[حاكم الغنامي]

اهب

سلط على النصراني اللي لقا الزيت:)


ههههههههههه

صح لسانكــ يابو محمد

وننتظر عقاب ووصح لسااانه مقدمااا


متابع

[نوآف الغنامي]

الليلـه الليلـه الميـدان مــزروع شــوك
((جرح الخواطر )) يكفي مانبى .. المجزره !!
ياعقاب وش قسمك اللي جاك من ورث ابـوك
سمعت قسم الرجـل سـاوا لقسـم المـره !!




الليلـه الليلـه الميـدان مــزروع شــوك
((جرح الخواطر )) يكفي مانبى .. المجزره !!
ياعقاب وش قسمك اللي جاك من ورث ابـوك
سمعت قسم الرجـل سـاوا لقسـم المـره !!



يا سلآم سلّم

مبدع دائما يبو محمد

صح الله لسانك لين ترضى

وفي انتظار عقاب وصح لسانه مقدمااا


وفي انتظار قاف حامي حامي


متااااااابع للفائده

[علي الثبيتي]

انا في وجه الله وش هالعلم ياناصر ههههههههههه صح لساااااااااااااااااااااانك

وننظر عقاب ويش يكون الجواب وصح لسااااااااااااااااااااااااانه

[ناصر الجلاه]

..

حاكم الغنامي

..


ههههههه أنت وراك علي تهبيني :)


صح بدنكـ يابوعيد تسجيل حضوركـ يشرفني


لاهنت

..

[ناصر الجلاه]

..


خيال الصفراء

..

صح بدنكـ ياخيال الصفراء .. حضوركـ فخر بحد ذاااته


والابداااااااااع تصفحكـ الكريــم


لاهنت

..

[ناصر الجلاه]

..

النشمي

..


مرحبا مرحبا يابوفهد .. صح بدنكـ ياشايب ثبيت :)


شرفتنا بحضوركـ المميز :)

..

[عقاب العنزي]

هههههههه


طيب طيب



الليله الليله الرعيان قدم الملوك = واليا جرحناك قلنا منّك المعذره

(ماهي لنا ) مير علّمهم بعد علموك = الكذب والزور والبهتان والهستره !!

[عقاب العنزي]

حاكم الغنامي

خيال الصفراء

النشمي


صحة ابدانكم جميع ولاهنتو

[ناصر الجلاه]

:)


..


من دون نجد العذيه لين حدك تبوك = والله لتبطي عظم والعظم ماتكسره !!

لاتحسبنك تخارج من كلام الحنوك = بعض الجنايز ترى ماتدخل المقبره !!

[عقاب العنزي]

صعايدة مصر هرّاجه بليا شكوك = واليا طلعوا منّها مانوحي الثرثره !!

اشره على بعض هرجك مير وآنا اخوك = مدام علّمك نقلته من حكي مبزره

[ابو لمار]

هههههههههههه
الله الله الله

وش ذا المصامخ

ناصر + عقاب


صحت السنتكم يامبدعين



متاااابع للآخر

[ناصر الجلاه]

..



وشلون اصفق لكم وأقولك لفظ فوك = آثر الغشاشيم واجد ملبده فالذره !!


لكن ابى اجاملك من ضمن من جاملوك = يالله أنا طالبك بالعفو والمغفره !!

[ناصر الجلاه]

..


ابولمار

..


صح بدنكـ يابولمار .. حضوركـ شرفنا :)


لاهنت

..

[عقاب العنزي]

مانبغي تصفيق منّك جعلهم صفقوك = ياللي تشيل الجمر وتضيّع المبخره !!

لاعوّدت للمجامل اشهد إتهم عطوك = لاتفتح ابوابها مدامها مسكرّه !!

[ربح السبيعي]

صح لسانك يابن جلاه



اثرك على خبري لحد الأن ماتخلي القشر ههههه



وصح لسانك ياعقاب

[عيد بن مرضي]

ناصر الجلاه // عقاب العنزي


صح الله اااااااااااااااااالسنتكم


ااااااااااااااااااااااااااابداع غير مستغرب

[ناصر الجلاه]

..

:)



مالوم بعض البنوك إن كانهم جمدوك = يابايع الثوم من فوقك سحب ممطره !!

تدري علام الجماعه بالذهب لبسوك =إن كنت تدري لاترجع فالثمان عشره !!

[ناصر الجلاه]

..

ربح السبيعي

..


اررررررحب يابوخالد اررحب .. صح بدنك حضورك شرفني ياربح :)


لاهنت

..

[ناصر الجلاه]

..

عيد مرضي

..

صح بدنكـ ياعيد .. الابداااع تواجدكـ الكريـــم

لاهنت

..

[عقاب العنزي]

لاتحسب ٍ انك على الجزله خذيت الصكوك = لاشفت لعبك طرالي منيف بن منقره

حنا صرفنا ذهب وانته حديد محكوك = لكن كلمتك ترجع لك على المسطره !!

[عقاب العنزي]

اشكر جميع من قام بالمرور

صحة ابدانكم ولاهنتو

[ناصر الجلاه]

..

طيب طيب

:)





هاذي مكاسب جدودي يالزميل الضحوك = مالك شكر خلها في بالك مسمره !!

عقاب لو عاش راسه مايجي فيه صوك = رأسٍ نخر كيف شبره فاللقا يشبره !!

[صاهود]

لاتحسب ٍ انك على الجزله خذيت الصكوك = لاشفت لعبك طرالي منيف بن منقره

حنا صرفنا ذهب وانته حديد محكوك = لكن كلمتك ترجع لك على المسطره !!

الله الله

يابوفيصل

صح السانك

والصف صفك

ولاهان اخوي الجلاه

[ناصر الجلاه]

..

صاهود

..


اررحب لاهنت على الحضور المميز :)


دمت

..

[عقاب العنزي]

العالم الله بعد ماعزوتك شجعوك = مستور يمكن على شيل العلم تقهره !!

جيّد .. تلبّي ليا من النشاما عزموك = لكن ماتفرق الشيهان والحمرّه

[عقاب العنزي]

صاهود الصف يتشرف بك يالذيب

صح بدنك

[ناصر الجلاه]

..



كم قلتلك لاتلامس بالسلوك السلوك =يابغضني للضعيف اللي رفع منخره !!

ترتبتها واخسارة عالمٍ درسوك =الحمره من وصوفك شوف فالمنظره !!

[سعود البرقاوي]

لله درك ياناصر
والاعجاب من مبطي يا استاذي
والصف صفك

وعقاب يطلب الله

[زبن الجعفري العنزي]

لله درك ياعقاب


ليس غريبا عليك قلب الطاوله



صح لسانك الى مالا نهاية



ولاهان الجلاه وصح لسانه

[عقاب العنزي]

قهوتك ولمتها بعد العوارف نصوك = لكن ماشفت لاقهوه ولا اي ثمره !!

ياطيبهم بعد ماهم باللقا قدموك = لكن ناصر وش اللي باللقا يستره !!

[ناصر الجلاه]

..

سعود البرقاوي

..

مرحبا ياسعود انت إستاد الكل :)


حضوركـ شرفني لا خلا ولا عدم


لاهنت

..

[عقاب العنزي]

سعود البرقاوي

شاكر لك حضورك


راع الجدعا


لاهنت يالذيب وصح بدنك

[ناصر الجلاه]

..



ثويت في مبركك ياذا البعير البروك=كنا نباها ستيره مار جات جهره !!

يعزني فعل كفي يومهم رفعوك = بالمدح وانته كما انته فوق تحت الكره !!

[ناصر الجلاه]

..

راع الجدعا

..


صح بدنك يالوايلي .. شرفنا حضوركـ الكريـــم :)


لاهنت


..

[عقاب العنزي]

صح لسانك ياناصر وتشرفت باللعب معك كثيرا واستمتعت والقلوب صحاح


تقديري

[ناصر الجلاه]

صح لسانك ياناصر وتشرفت باللعب معك كثيرا واستمتعت والقلوب صحاح


تقديري

صح بدنك ياعقاب

هههههههه مافيك حيله

والقلوب صحاح للأبد


واشكرك على رحابة صدرك :)


دمت

[الشــاهد]

لاتحسب ٍ انك على الجزله خذيت الصكوك
لاشفت لعبك طرالي منيـف بـن منقـره



صح لسانك ولسان الجلاة

[طلال ناشي]

ناصر الجلاااااه - عقاب العنزي


صحت ألسنتكم



طاروق رااااائع



تحياااااتي

[ولد منصور الابرق]

ياعقاب وش قسمك اللي جاك من ورث ابـوك
سمعت قسم الرجـل سـاوا لقسـم المـره



من دون نجد العذيه لين حدك تبـوك
والله لتبطي عظم والعظم ماتكسره



هاذي مكاسب جدودي يالزميل الضحوك
مالك شكر خلها في بالـك مسمـره


صح لسااااااااااااااااااااانك ياناصرررررر

لاوهان عقاااااااااااااااااب