تسجيل الدخول

مشاهدة النسخة كاملة : هادي القصيد في عتيبه وفريسها ومشايخها()

عناد الشيباني
19-Nov-2009, 02:26 PM
السلام عليكم ورحمة الله وبركاته هذه القصيده في قبيلتي
عتيبه وبعض فريسها ومشايخها
من غير قاصر في كل القبايل
والمعذره عن عدم ذكر بعض الفريس لإن فريس عتيبه ماينحصون



حناعتيبه يوم دقل السرايا
نارد على الموت الحمر مانكنا

عاداتنا نارد حياض المنايا
وياجاهل انشد من هل العرف عنا

تلقى فعايلنا تسجل روايا
عز اللذي وقت الشدايد زبنا

فعل(ن) مؤكد ماتجيبه حكايا
تشهدلنا نجد اوبها كم فعلنا

افعالنا ترقا بروس العلايا
مافيه ديره وسطها مانزلنا

انشوش لامن كشفن الغطايا
وحريبنا لو هو سلم ماتهنا

تشهدلنا البدوان وأهل القرايا
وكل(ن)يوقع بالعشر شاهد النا

وإن عودت يم الشيوخ الطنايا
اشيوخنا نفخر بهم ماخجلنا

يكفي فعل تركي زبون العطايا
اللي حريبه من فعوله يونا

وضيف الله العفار شوق الصبايا
اللي خذاله فعل بارز وفنا

ومصلط وبن هندي بعاد الحرايا
وهذال بن مشيب زبون المجنا

ينطح جموع القوم وقت الغزايا
كنه يقول اهلين جا ماتمنا

وابن العطاوي حاز كل المزايا
فارس شجيع وبالقصايد تغنا

وابن المحيا اللي يدوس الحيايا
والضيط عن ذكره ترى ماغفلنا

فنجاله اصعيب(ن)على أهل الهقايا
وريف اللذي جا من بعيد وتعنا

وخصم الدهينه فيه تبقى كوايا
وابن بجاد اليا ركب ماتونا

وباقي شيوخ(ن)فالمواقف حمايا
اقصورهم فوق السحايب تبنا

وختامها مني سلام اوتحايا
على الشعوب وخير موطن وطنا
مشاري الحبردي
19-Nov-2009, 06:21 PM
صح لسانك ياعناد
ولاهنت
عناد الشيباني
19-Nov-2009, 08:06 PM
صح بدنك يامشاري
نايف ابن حديد
19-Nov-2009, 08:57 PM
صح لسانك ياعناد الشيباني
عناد الشيباني
19-Nov-2009, 09:43 PM
صح بدنك يانايف