لغز منقول

[ذيب المضيح الاول]

انشدك عن رجال صعبه حياته=بين السما والارض في حامي الشمس
يشرب ولاياكل غريبه صفاته=ثابت محله كان ماجنه الخمس
مع اسفله يشرب وتنثر شفاته=مستيسره رجال يسقيه بالعكس

[ولد الهيلاء النفيعي]

ذيب المضيح الاول
لاهنت على اللغز
والحل المزن

[مشعل الديحاني]

السلام عليكم

مساك الله بالخير يالذيب

شرايك بالمزاز

عود العصير

[ذيب المضيح الاول]

اخواني الاعزا ولد الهيلا ومشعل الديحاني

اقول رمعات مدركه وحكم السلامه ولاكن مالكم لواء
دوبه سلم ولاكنكم دوشتوه حاولو مره ثانيه

[راعي البلهـا]

السلام عليكم
مرحبـــــــا ذيب المضيح

مرمـــــــــاع

بخــــــاخ مويا قزاز السياره

[صبار العنزي]

[size=6]بسم الله الرحمن الرحيم


صح السانك يا ذيب

وشرايك بتانكي لى على البيت ودينمو

[ذيب المضيح الاول]

السلام عليكم ورحمة الله ويركاته وكل عام وانتم بخير
اخواني الاعزاء راعي البلها وصبار العنزي
صح السناتكم على مرماعكم لهذا الغز الذي ضايقتوه حتى في موقعه

في سطوح البيوت بهذه المراميع الخطره
تحياتي

[االكريزي]

اخووووي ذيب مهوب الدلو



والله اظاهر انه من رمعات الربع

[ذيب المضيح الاول]

اخواني الاعزا ولايهون المشرف عزالله انني اكره الغز المعقد واذ ترك بدون رمعات واتضايق منه وكذالك
اخشى من اخوني المشاركين ينقدني بضن بعيد عنه بصراحه ولاكنني استسمحكم سوفا انتضر قليل احد يحله واذا لم ياتي الحل فصدقوني سوف اسدحه واذكيه ولايبقى ردامه على كبدي لااتحمل الانتضار سوف احله واتقبل النقد والعتاب
وانت يالاخ الكريزي مالك لواء وانتضر بعد قليل

[ذيب المضيح الاول]

احسساً باكرام اخواني الذي رمعو برمعات مدركه وخطره سبق وان
المحت لهم بمضايقة موقع الغز بسطح البيوت او المنازل ولاكن الغز كما يقال عنه من
منهم سبقونا ( انه لقطه ) واغلاهم عندي ورخص الغز يستوجب سدحه وذكاته
ويفداهم كل رخيص

وحل الغز هو ( الـــمــــرزاب ) الذي في سطوح المنازل

[سعد حميد الثبيتي]

بيض الله وجهك على تركيب اللغز وعز الله ان حله راكب ميه بالميه وكذلك ينطبق على الدينمو والخزان

[ذيب المضيح الاول]

الاخ : سعد حميد الثبيتي
شكراً لشعورك الطيب اتجاه الغز ورديفه
ومازلنا بنتضار الاخوان ورايهم