][®][^][®][صــاهــود/ تـحـت دائـرة الضـوء ][®][^][®][ [الأرشيف] - الهيـــــــــــــلا *** منتدى قبيلة عتيبة

وحي العقل

13-Nov-2009, 02:08 PM

/
/

السلام وعليكم ورحمه الله وبركاته ,,

تواصلاً مع سلسلة حلقات ,, تحت دائرة الضوء ,,
نستضيف في هذا الاسبوع ,, شاعرٍ صاغ أعذب الكلمات
وأجمل الصور الشعرية ,, عندما تقرأ أبداعاتــــه تجد أنك تقف
أمام هامة من المشاعر الفياضة المتدفقة كشلال دائم التدفق ,,,
سواءاً كان محاوراً او ناظماً ,,, شاعرٍ له اسلوبه الخاص وطريقته
الخاصة ,, في كتابة كل ماهو ملئ بالحكمة والجزالة ,,, :)

رحبوا معي بالشاعر صاهود ,,, وهو الان في مرمى اسئلتكم ,,,
اعانه الله :) ,,, مع التذكير والتنبيه على الحفاظ على قيمة هذا
اللقاء الادبي وذلك من خلال طرح مايليق وما يرتقي من اسئلة,,,

أخوكم : وحي العقل

حاكم الغنامي

13-Nov-2009, 02:11 PM

تثبيت

وحيالله الشاعر صــاهود

والشكر لوحي العقل

ومتابعين اللقاء

عقاب العنزي

13-Nov-2009, 02:52 PM

مشكور ياوحي العقل

وياهلا ومرحبا بالشاعر الكبير \ صاهود وحياه الله

وصاهود شاعر مايختلف عليه اثنين وعلاوه على شاعريته يمتلك قلب كبير يعلم الله

فاارحبه اجمل ترحيب

والاسئله بالطريق بإذن الله

..

مساعد المطيري

13-Nov-2009, 03:47 PM

هلا هلا هلا هلا

يامرحبا ياصاهود العارضي

ابرك الحزات وجودك في دائرة الضوء << ناوي يغربله بالأسئله

كلمة الحق تقال

انت ياصاهود ملح قسم المحاوره بردودك وتعليقات الفكاهيّه وخلق جو من المرح في كل طاروق
تتواجد فيه ويعلم الله اني ماقلت هالكلام علشانك مطيري وابن عم لكن هذا ملاحظ للجميع وانت تعلم انه لا يوجد بيني وبينك اي معرفه شخصيّه

نرجع للأسئله

متى بدأت شعر المحاوره ومتى لاحظت انك قادر على مواجهة الشعراء ؟

حدّثنا عن سبب الايقاف اللي حصل لك بعد طاروقك مع العالمي 2 وهل تستحق الايقاف ام انك ظلمت ؟

شاعر تتحاشا اللعب معه وشاعر تتمنى كل ليله تحيي معه طاروق ؟

مارأيك في تحليلات ابو فايح بكل صراحه ؟ مانبي رد دبلماسي او فيه مجامله

اخترت لتلعب طاروق مباشر وحدد لك ثلاث شعراء سعود البرقاوي والنشمي وابن سرحان بكل صراحه من تختار منهم ؟

لي عوده بعد الاجابه على الأسئله

صاهود

13-Nov-2009, 03:57 PM

اشكر وحي العقل علي الاستضافه والاطراء الجميل

وعسا الله يجملني

صاهود

13-Nov-2009, 03:58 PM

تثبيت

وحيالله الشاعر صــاهود

والشكر لوحي العقل

ومتابعين اللقاء

الله يحييك ويبقيك

يابوعيد

والله يثبتك علي الايمان وطاعة الرحمن

طلال ناشي

13-Nov-2009, 04:03 PM

هلا وغلا ياصاهود

وقتي قليل هذه الأيام وقد حرمني من الكثير

ولاكن . حبيت أسجل حضوري ولربما لي عودة بالتوفيق

صاهود

13-Nov-2009, 04:28 PM

هلا هلا هلا هلا

يامرحبا ياصاهود العارضي
==البقا والله يحييك
ابرك الحزات وجودك في دائرة الضوء << ناوي يغربله بالأسئله

كلمة الحق تقال

انت ياصاهود ملح قسم المحاوره بردودك وتعليقات الفكاهيّه وخلق جو من المرح في كل طاروق
تتواجد فيه ويعلم الله اني ماقلت هالكلام علشانك مطيري وابن عم لكن هذا ملاحظ للجميع وانت تعلم انه لا يوجد بيني وبينك اي معرفه شخصيّه

==الله لايهينك يامساعد والمرح مطلوب تخيل الطاروق بدون تشجيع وتعليقات ماله حلا

نرجع للأسئله

متى بدأت شعر المحاوره ومتى لاحظت انك قادر على مواجهة الشعراء ؟

== البدايه كانت فالنظم والاهتمام منصب علي النظم والمحاوره كانت بدايتي علي حياة اخودعجه الله يرحمه وتركتها بعد وفاة عبدالله العير ولا رديت لها غير في منتدي الهيلا اما بالنسبه مواجهة الشعراء
عادي وش المشكله الدعوه وزن وقاف وحبك وسبك ومعني والمشكله تكمن فالمعني فقط

حدّثنا عن سبب الايقاف اللي حاصل لك بعد طاروقك مع العالمي 2 وهل تستحق الايقاف ام انك ظلمت ؟

==سبب الايقاف كان نزول فاللعب من قبل العالمي ونزلت معه الطاورق وتم ايقافه وايقافي === اما بالنسبه للظلم ماعتقد اني اظلمت فيها موضوع ايقافي ماكان بسبب العالمي او الطاروق كان بسبب

اتهامي لاحد المشرفين

شاعر تتحاشا اللعب معه وشاعر تتمنى كل ليله تحيي معه طاروق ؟

===اتحاشا اي شاعر يتسبب في ايقاف عضويتي هههههههه ===والشاعر اللي احب معه كثير لكن يبقا البرقاوي وعقاب وخوي السعد غير

مارأيك في تحليلات ابو فايح بكل صراحه ؟ مانبي رد دبلماسي او فيه مجامله

ابوفايح مجتهد وانسان يخطي ويصيب بعضها وبعضها

اخترت لتلعب طاروق مباشر وحدد لك ثلاث شعراء سعود البرقاوي والنشمي وابن سرحان بكل صراحه من تختار منهم ؟

== اختار فايز بن سرحان ماهم قصور لكن ابن سرحان فيه رحمه اما العود وابناخيه هذولا مشكله
يرمون هوياتهم عند الباب ويدخلون المنتدي ماعندهم عتيبي مطيري زهراني يلعبون للشعر

مع زيادة الهجوم وتكثيف الضربات القاضيه

لي عوده بعد الاجابه على الأسئله

=== الله يحييك

عيد بن مرضي

13-Nov-2009, 04:47 PM

يامرحبا تراحيب المطر صاهوود في دائرة الضوء؟

يأخي أنت الضوء كله , , ,

ياصاهوود أنا جديد فالمنتدى ولاكن , , ,

قريت أخبار مكتوبه مابين الحبر والقرطاس==ولا غرك كتابٍ عارفه من صلب عنوانه

الأيقاف الله يكفينا شره حدثنا عنه حتى نتعظ ونأخذ خبره , , ,

أنت شاعر جزل بصراحه ولاكن أين أنت من الأوسمه ؟؟

واشكر المبدع وحي العقل على الفكرة الرائده , , ,

صاهود

13-Nov-2009, 04:58 PM

هلا وغلا ياصاهود

وقتي قليل هذه الأيام وقد حرمني من الكثير

ولاكن . حبيت أسجل حضوري ولربما لي عودة بالتوفيق

ياامرحبا يابوناشي ايه والله فقدناك

والله يحييك

وبنتظارك

صاهود

13-Nov-2009, 05:01 PM

مشكور ياوحي العقل

وياهلا ومرحبا بالشاعر الكبير \ صاهود وحياه الله

وصاهود شاعر مايختلف عليه اثنين وعلاوه على شاعريته يمتلك قلب كبير يعلم الله

فاارحبه اجمل ترحيب

والاسئله بالطريق بإذن الله

..

ابك البقا يابوفصيل

واشكرك علي الاشاده

وبنتظار الاسئله

علي خيران العتيبي

13-Nov-2009, 05:25 PM

هلا والله بصاهود
اختيار موفق الحقيقه
و صاهود ما يحتاج لو بمدحه ما يزيده مدحي شي
تكفي اشادات الكبار و لعبهم معه
و نقول عسى الله يوفقك يا صاهود
و ما من اسئله :)

صاهود

13-Nov-2009, 05:28 PM

هلا والله بصاهود
اختيار موفق الحقيقه
و صاهود ما يحتاج لو بمدحه ما يزيده مدحي شي
تكفي اشادات الكبار و لعبهم معه
و نقول عسى الله يوفقك يا صاهود
و ما من اسئله :)

يامرحبا يابوخيران

وشهادتك محل فخر واعتزاز

وانت عاد مايحتاج لك وضع خاص عندي

والله يوفقنا جميع

زياد المزرمي

13-Nov-2009, 05:38 PM

صاهود

هلا وغلا يامرررحبا بشاعرنا

ابرك الساعات نشاهدك من وراء القضبان:)

الاسئله عن قريب بأذن الله وانا مستعد اصير محامي عنك ;)

حبيت اسجل حضوري واعجابي بهذا اللقاء

واشكر الاخ وحي العقل على الاستضافه

تحياتي يالذيب

صاهود

13-Nov-2009, 05:41 PM

يامرحبا تراحيب المطر صاهوود في دائرة الضوء؟

==المهلي مايولي

يأخي أنت الضوء كله , , ,

==ماعلاك زود

ياصاهوود أنا جديد فالمنتدى ولاكن , , ,

انت جديد فالتسجيل لكن منت جديد فالشعر ومحاوراتك تشهد لك والاهم من هذا اخلاقك العاليه

قريت أخبار مكتوبه مابين الحبر والقرطاس==ولا غرك كتابٍ عارفه من صلب عنوانه

==ههههههههه خل القدور امغطاه ماجاوبت عليها فالطاروق تبيني اجاوب عليها الحين للصالح العام

الأيقاف الله يكفينا شره حدثنا عنه حتى نتعظ ونأخذ خبره , , ,

==الايقاف الله يكفيك شره هههههه مدري شقول لكن مثل الحر الاشقر مربوط علي وكره والحباري تمره

ولايقدر يطلع عليها

أنت شاعر جزل بصراحه ولاكن أين أنت من الأوسمه ؟؟

==الاوسمه اخذت حقي منها والجوايز من سنين لكن انا فوضوي ولا تنطبق علي الشروط

ويكفي شهادتك تعتبر وسام
واشكر المبدع وحي العقل على الفكرة الرائده , , ,

حياك الله واشكر وحي العقل علي اتاحة الفرصه

صاهود

13-Nov-2009, 05:52 PM

صاهود

هلا وغلا يامرررحبا بشاعرنا

ابرك الساعات نشاهدك من وراء القضبان:)

الاسئله عن قريب بأذن الله وانا مستعد اصير محامي عنك ;)

حبيت اسجل حضوري واعجابي بهذا اللقاء

واشكر الاخ وحي العقل على الاستضافه

تحياتي يالذيب

المهلي مايولي يابوصالح

والفزعات ماخلا منها

والله يحييك وبنتظار الاسئله

سعود العصيمي

13-Nov-2009, 07:37 PM

مرحبا بشاعرنا الخلووق صاهود

في دائرة الضوء .

وندخل على طول فالاسئلة:

س1- هناك شعراء متمكنين ولم يكونوا ضمن تقييم الشعراء التي تم تقييمهم من قبل محللنا الادبي وحي العقل ،

مثل الشاعر ( عقاب العنزي _ مقعد الدغيلبي_ حمود برجس_ الطوفان_ حمد جوباح) وغيرهم

السؤال لو طلب منك تقييمهم فأين ستضع كلآ منهم حسب مجموعات الاستأذ وحي العقل.

س2_ من هم من الشعراء اصحاب الاوسمه الذهبية ترا انه يستحق وسام النخبه حاليآ

من الشعراء التالية اسمائهم :

الشاعر /العمده
الشاعر/ عقاب العنزي
الشاعر/ سعد العصيمي
الشاعر/ عبدالله الاصعر
الشاعر /قادح شراار

لي عودة.

صاهود

13-Nov-2009, 08:02 PM

مرحبا بشاعرنا الخلووق صاهود

===ابك البقا يابوطايل

في دائرة الضوء .

وندخل على طول فالاسئلة:

س1- هناك شعراء متمكنين ولم يكونوا ضمن تقييم الشعراء التي تم تقييمهم من قبل محللنا الادبي وحي العقل ،

مثل الشاعر ( عقاب العنزي _ مقعد الدغيلبي_ حمود برجس_ الطوفان_ حمد جوباح) وغيرهم

=== المجاملات معرفها يابوطايل راح اقول علي عرفي والناس اذواق
بالنسبه لعقاب ومقعد الدغيلبي وحمد جوباح هذولا ماعليهم كلام شعار وافضل من بعض الاسماء اللي تم تقييمها

امّا حمود بن برجس ماعرفه لكن عقاب يمدحه

امّا الطوفان شاعر ممتاز بس تواجده في منتدي مطير وساهم في نهوض المنتدي لكن ماشوفه هنا

فليس ملزم وحي العقل في تقييمه اهم شي التواجد

السؤال لو طلب منك تقييمهم فأين ستضع كلآ منهم حسب مجموعات الاستأذ وحي العقل.

==المجموعه الاولي مافي شك ومحمد رشيد معهم

س2_ من هم من الشعراء اصحاب الاوسمه الذهبية ترا انه يستحق وسام النخبه حاليآ

من الشعراء التالية اسمائهم :

الشاعر /العمده
الشاعر/ عقاب العنزي
الشاعر/ سعد العصيمي
الشاعر/ عبدالله الاصعر
الشاعر /قادح شراار

العمده و عقاب والاصعر لسببين التواجد المستمر والابداع

==لكن سعد وقادح لو يتواجدون بشكل شبه يومي خلال اسبوع يحصلون علي النخبه وهم افضل بكثير من بعض اصحاب الاوسمه

للمعلومه فيه لعبك لك ويا العوني ابدعت فيها يابوطايل وعرضتها علي شاعرنا الكبير محمد الخس واعجب فيها واثنا عليك فيها
وقال العصيمي اللي مايقصد ماهو عصيمي

لي عودة.

حياك الله يابوطايل وابرك الساعات

معجب العتيبي

13-Nov-2009, 10:11 PM

صاهود الابداع

اهلا بك في هذا الكرسي

سؤال واحد فقط

مامدى تأثير البيئه في شاعرية صاهود؟

صاهود

13-Nov-2009, 10:19 PM

صاهود الابداع

اهلا بك في هذا الكرسي

سؤال واحد فقط

مامدى تأثير البيئه في شاعرية صاهود؟

مرحبا ومسهلا

بالنسبه لتاثير تاثيرها كبير واغلب الشعر اللي اقوله نتاج البيئه اللي عايش فيها

وانشاء الله راح انزل عشر قصايد هنا مختلفة المواضيع كلها من نتاج البيئه

المقدام

13-Nov-2009, 11:53 PM

السلام عليكم ورحمه الله

.. صاهود .. ذيب عروى .. خلف

اختلفت الاسماء والابدآع ثابت

بالنسبه للرحيب بك فقد سبقوني به أخوآني

سوالي هو ..

بما أن هذا هو منتدى العتبان وانت من قبيلة مطير العزيزه

لماذا في اغلب المحاورات اللي تكون انت البادعويكون الطرف الاخر من قبيلة عتيبه

ترحب فيه ..؟؟

ولو اردنا طرح اسئله اخرى .. ربما في وقت لاحق

وشكرا

صاهود

14-Nov-2009, 12:02 AM

السلام عليكم ورحمه الله

.. صاهود .. ذيب عروى .. خلف

اختلفت الاسماء والابدآع ثابت

بالنسبه للرحيب بك فقد سبقوني به أخوآني

سوالي هو ..

بما أن هذا هو منتدى العتبان وانت من قبيلة مطير العزيزه

لماذا في اغلب المحاورات اللي تكون انت البادعويكون الطرف الاخر من قبيلة عتيبه

ترحب فيه ..؟؟

==انا ارحب في كل طيب وعتيبه طيبين يجوز لان عدد الاعضاء اغلبهم عتبان

وبعدين الملعبه تزين بين مطير وعتيبه وتكون ناجحه في كل المقاييس

مثل الهلال والنصر منطقه وحده والتنافس محموم بغض النظر عن المستوي

مثل سليم وهذيل مثل شمر وعنزه كذا
لو اردنا طرح اسئله اخرى .. ربما في وقت لاحق

وشكرا

حياك الله يالمقدام في اي وقت

زبن الجعفري العنزي

14-Nov-2009, 12:05 AM

حياك الله ياصاهود صديقي اللدود هههههههه

تفضل واجب :-

س1/ من ناحية المعنى ايهما تميل اليه الوضوح او الرمزيه ؟

س2/هل ترى انك مجيد في الرمزيه ؟ واذا كانت الاجابه . نعم . اذكر لي مثلا من محاوراتك؟

س3/ من خلال لعبي معك عدة مرات ارى انك تميل الى النزول في المحاوره !!

هل هذا بسبب عدم تمكنك من اللعب على معنى ام ماذا ؟

س4 /قبل الايقاف كنت تحمل لقب شاعر . هل كان للواسطة دور في منحه لك ؟

وهل ترى ان الاوسمه والالقاب للواسطة دور فيها ؟

س5/ هل ترى ان الشاعر الجديد يحارب في المنتدى في بداية تسجيله ؟

اذا كانت الاجابه . نعم . مالسبب في رايك ؟

س6 / هل ترى ان هناك عصبية قبيلة من ناحية مدح ابيات الشاعر اكثر من اللازم

بحيث يكون هذا المدح من باب العصبية القبيلة لا من باب الشعر ؟

اتمنى ان لااكون قد اكثرت عليك في طرح الاسئلة

وتبقى شاعرا مميزا واخاً عزيزا

محمد النخيش

14-Nov-2009, 12:45 AM

مرحبا بالشيخ صاهود

تسجيل حظور فقط

اما الاسأله والله لو انك محمد الخس على غفله هههههههههه

لاتزعل تراني ماغير امزح معك تسجيل حظور فقط:)

لاهنت ياوحي العقل

صاهود

14-Nov-2009, 12:47 AM

حياك الله ياصاهود صديقي اللدود هههههههه

===حياك الله

تفضل واجب :-

س1/ من ناحية المعنى ايهما تميل اليه الوضوح او الرمزيه ؟

== الوضوح طبعن اسهل والرمزيه جميله واميل للثنتين سواء فالنظم او المحاوره

س2/هل ترى انك مجيد في الرمزيه ؟ واذا كانت الاجابه . نعم . اذكر لي مثلا من محاوراتك؟

==هاذي جوابها عندك وتقييك اخذ فيه مهما كان == وبالنسبه للامثله فيه لعبه فالكويت قبل عشر سنين

في مخيم مطير حفله خاصه لعبت ويا السناني

ماني ذاكرها اقول فيها

السناني لقيته مثل ذيب الحتيفه=محفي اسبوت رجله فالليال الظلامي

ورد السناني

ويش رايك تقسم بيننا بالنصيفه=فيه تفاح صين وفيه تفاح شامي

علي ماذكر

وفيه ويا سعود العبدلي وغازي الله يرحمه وسلطان لهاجري

لكن فالمنتدي ماعتقد فيه رمزيه لي اذا ماني غلطان

س3/ من خلال لعبي معك عدة مرات ارى انك تميل الى النزول في المحاوره !!

===هذا صحيح حصل وانا اعتذر منك من خلال هذا المتصفح لان ماكنت فاهمك عدل وبعدين صرت اقضب صفك

وارجوا انك تصفح عني

وعقاب يفهمك الامور كلها اتصل عليه واخذ العلم من راسه

هل هذا بسبب عدم تمكنك من اللعب على معنى ام ماذا ؟

== سوء فهم لشخصك الكريم

س4 /قبل الايقاف كنت تحمل لقب شاعر . هل كان للواسطة دور في منحه لك

===عاد كلمة شاعر حق من حقوقي وماخذها بذراعي من سنين والصحافه تشهد علي ذلك
والمسابقات المحليه في دولة الكويت وشهادة كبراء شعراء مطير
وغير مطير هذا بالنسبه للنظم
واذا عندك فاكس ارسل شهادات التكريم للتاكد

لو عندي واسطه ماتوقف خمس مرات ولاتنسا اني مطيري وفي محل اجناب

وانا فالكويت واهل المنتدي فالسعوديه وصدقني ماسعيت في هالموضوع ابدا

ولو بيدي شي عطيت رفيع المنزل وسام

وهل ترى ان الاوسمه والالقاب للواسطة دور فيها ؟

شوف الوسام له شروط حتي ولو كنت مبدع اذا ماتوافرت ماتاخذ الوسام

وانا اجهل الشروط ولا اعرف قوانين الوسام يمكن الاداره لها حسبه غير عن حسبتنا

امّا بالنسبه للواسطه اكيد لكن نسبه قليله حنا عرب ودمنا حار الطيب يفرض والحميه تفرض والرفقه تفرض
لكن انا ماشفت واحد حاصل علي وسام وهو ماهو شاعر

س5/ هل ترى ان الشاعر الجديد يحارب في المنتدى في بداية تسجيله ؟

==نعم
اذا كانت الاجابه . نعم . مالسبب في رايك ؟

==من لايعرفك يجهل قدرك لكن مع اشتغال الطواريق والابداع يتغيرا لوضع

س6 / هل ترى ان هناك عصبية قبيلة من ناحية مدح ابيات الشاعر اكثر من اللازم

===هاذي موجوده لين تقوم ناقة صالح في جميع المنتديات ماهو بس هنيه حتي بالامور الثانيه

خشمك خشمك لو انه عوج

يعني تخيل المسعودي الله يرحمه يلعب ويا احمد مجول العنزي واحتما الطاروق اكيد راح توقف ويا ابن عمك

بحيث يكون هذا المدح من باب العصبية القبيلة لا من باب الشعر ؟

===نعم نعم وهذا خطا الرازق الله والشعر مايرفع وينزل عرب مايرفع الا العلم الغانم

اتمنى ان لااكون قد اكثرت عليك في طرح الاسئلة

==لاوالله ذبحتني هههههههههههههههههههه

وتبقى شاعرا مميزا واخاً عزيزا

حياك الله ياراع الجدعا واكرر اعتذاري لك اسف جدا عما بدر مني تجاهك

صاهود

14-Nov-2009, 12:54 AM

مرحبا بالشيخ صاهود

تسجيل حظور فقط

اما الاسأله والله لو انك محمد الخس على غفله هههههههههه

لاتزعل تراني ماغير امزح معك تسجيل حظور فقط:)

لاهنت ياوحي العقل

هلا وغلا يابوغازي

اثقل اشوي حنا في لقاء خل امورنا بعدين هههههههههههههههه:eek:

وبعدين الخس ماهو نبي يوم اتميّزه بشر حاله حالنا

ويكفيني اسمي

نوآف الغنامي

14-Nov-2009, 11:50 AM

احسنت الاختيار يا وحي العقل

اهــــــــــــــــــــلآ وسهـــــــــــــلآ

يا صاهووود

لدي بعض الاسئله اتمنى قبولها ..

ســـ / خلف العارضي -- صاهود -- ذيب عروا -- صاهود .. منهو الذي تراه من هؤلاء قد اجاد وتميز من
خلآل محاوراته ؟؟! :)

ســـ / ما هو سبب اختيارك لهذا اللقب ( ذيب عروا ) ؟؟!

ســ / في بداياتك بإسم ذيب عروا طلبك ناصر الجلآه وكانت بدعته :

يالمطـيـري بـأسـم غـيـرك لاتـعـزوى =عزوتك في مطير (( دوشـان وعزيـزي)) !!
ذيب عـروى مـا أنـت والله ذيـب عـروى =ذيب عروى وسط نجد .. ابن الكريزي !!

لماذا اعتذرت عن الرد على ناصر ذلك الحين ؟ وهل تعتقد ان ناصر اخذ عنك فكره سيئه
مثل الخوف من المواجهه مثلآ ؟؟!

هذا ما لدي حاليااا :) واتمنى ان لآ اكون ثقلت على متصفحكـ ...

وشكرا لك

صاهود

14-Nov-2009, 12:42 PM

احسنت الاختيار يا وحي العقل

اهــــــــــــــــــــلآ وسهـــــــــــــلآ

يا صاهووود

==مرحبا يالعطاوي

لدي بعض الاسئله اتمنى قبولها ..

==كل مايجي منك مقبول

ســـ / خلف العارضي -- صاهود -- ذيب عروا -- صاهود .. منهو الذي تراه من هؤلاء قد اجاد وتميز من
خلآل محاوراته ؟؟! :)

=== خلف العارضي اجاد فالنظم

=== صاهود شخصيه مجرمه او بمعني خذقها ذقها

=== ذيب عروا شخصيه مرحه ويغلب علي ردوده طابع الفكاهه

ســـ / ما هو سبب اختيارك لهذا اللقب ( ذيب عروا ) ؟؟!

سبب الاختيار دواعي امنيه وكف الملاحقات الامنيه ههههههههههههه

ســ / في بداياتك بإسم ذيب عروا طلبك ناصر الجلآه وكانت بدعته :

يالمطـيـري بـأسـم غـيـرك لاتـعـزوى =عزوتك في مطير (( دوشـان وعزيـزي)) !!
ذيب عـروى مـا أنـت والله ذيـب عـروى =ذيب عروى وسط نجد .. ابن الكريزي !!

لماذا اعتذرت عن الرد على ناصر ذلك الحين ؟ وهل تعتقد ان ناصر

اخذ عنك فكره سيئه
مثل الخوف من المواجهه مثلآ ؟؟!

===بالنسبه للشق الاول من السؤال اعتذرت لاسباب اجتماعيه === لاماعتقد اخذ فكره سيئه والخوف ماطق بابي ولاعرفه

لكن حسيت بداية الطاروق ان الامور راح تاخذ منحني اخر وفي ناس من اصحابنا من العتبان اجلّهم ويجلّوني

ولاتنسا انه ادخل ابن حميد وابن حميد غني عن التعريف اخذ حقه من المرجله والعلم الغانم وهذا لا يقلل من شاني

انا حفيد الشيخ والفارس ضيدان بن هزاع العارضي وامتلك ارث يشفع لي فالمواجهات الداميه ويعيني

لكن مثل ماقلت لك اسباب اجتماعيه تربطني مع العصمه
هذا ما لدي حاليااا :) واتمنى ان لآ اكون ثقلت على متصفحكـ ...

وشكرا لك

لاوالله ماثقلت وانت من الناس اللي لهم قدر عندي

كبتن عتيبه

14-Nov-2009, 03:15 PM

مرحبا بالشاعر المبدع

صاهود

يردد الناس الكثير من بيوت المحاورات وتتناقلها الرواه

طبعاً محاورات الميدان

هل بيوت محاورات النت تلقى نفس القبول ؟إذا إجابتك بنعم؟ هات ماراق لك حفظه من إبداعات شعراء منتدى الهيلا؟

تحياتي

فايز بن سرحان الثبيتي

14-Nov-2009, 03:37 PM

السلام عيكم ورحمة الله وبركاته

صاهود كيف حالك طال عمرك

وبعدين اكبت بلون مختلف على شان نعرف نقرأ ولا شوفك تكتب باللون الاحمر هههه

1\هل نقض المعنى في نظر صاهود شرط لنجاح المحاورة ؟

2\عندما تضيع به الطرق ويتوه في غبة المعنى ماذا يفعل صاهود ؟ للخروج باقل الخسائر ؟

3\هل الفتل والنقض حاضر في شعر صاهود؟

4\وماهو اقوى بيت فتلته؟

5\وماهو اقوى بيت نقضته وماهو النقض ان امكن ؟

6\اخر مرة كنت متواجد فيها قبل الايقاف باسم خلف العارضي كنت مستحق للوسام بجدارة ولكنك عدت بعد الايقاف بمستوى اقل ماهو السر ؟

7\ شاهدناك تعود في المرة الاخيره اضعف مما كنت عليه في اخر مرة كنت تكتب فيها باسم خلف العارضي ماهو السر ؟

@ـايل

14-Nov-2009, 03:51 PM

حي الله الضيف والمضيف .. السلام عليكم .. وشكرا من القلب على هذا التواصل الذي يجعلنا نتعرف على النشاما والرجال الطيبين .. الاخ العزيز والاستاذ / وحي العقل كم انا سعيد بهذه الحلقات التي تقدمها .. وحلقتنا هذه مميزه كتميز ضيفها ومضيفها صاهود له منّا جل التحايا على حظوره وهو أحد أركان المنتدى ورواده الطيبين .. اتمنى لكم أطيب الاوقات والاستمتاع .. والشكر موصول للأخوان من خلف الكواليس ..

...

صاهود

14-Nov-2009, 04:51 PM

مرحبا بالشاعر المبدع

صاهود

== مرحبا ومسهلا ياكبتن عتيبه ويشرفني تواجد شاعر احجمك فالمتصفح

يردد الناس الكثير من بيوت المحاورات وتتناقلها الرواه

طبعاً محاورات الميدان

هل بيوت محاورات النت تلقى نفس القبول ؟إذا إجابتك بنعم؟ هات ماراق لك حفظه من إبداعات شعراء منتدى الهيلا؟

=== نعم نعم فيه 70 بالميه من محاوراتك ياكبتن عتيبه لكن ماعرف كيف اقتبس البيوت وحطّها لكن

ردك اللي تقول فيه للسعيدي

المنظره وبرج الفيصليه

ورد للجذع ويا الفالح

اللي يذمون التمر كانو يمصون اعجمه

وبيت للعمده كان وياي=== اللي فيه الاقزام

وبيت لخيال الصفراء كان وياي

والامثله كثيره
وفيه شعار فالنت افضل من شعراء الميدان ترا الصفوف واللحن والالقاء يلعب دور والدليل بعض شعراء الميدان يخرجون من الميدان لاصلّوا ولا صاموا ولما نقراها كتابيه تشوفها عاديه

امّا شعراء النت لاجمهور ولا صفوف ولا القاء من الشاعر نفسه فقط كتابه وتجده يلفت الانظار هذا ان دل دل شاعريته

تحياتي

مرحبا ومسهلا يالكبتن واكرر شكري لك

صاهود

14-Nov-2009, 05:16 PM

السلام عيكم ورحمة الله وبركاته

==عليك السلام ورحمته الله وبركاته

صاهود كيف حالك طال عمرك

بخير يامال الخير وعمرك

وبعدين اكبت بلون مختلف على شان نعرف نقرأ ولا شوفك تكتب باللون الاحمر هههه

=== والله لو اعرف ماذخرت شي يابن سرحان

1\هل نقض المعنى في نظر صاهود شرط لنجاح المحاورة ؟

===طبعن مافيها كلام

2\عندما تضيع به الطرق ويتوه في غبة المعنى ماذا يفعل صاهود ؟ للخروج باقل الخسائر ؟

ماحصل وياي لان المعاني هنا اغلبها مكشوفه ==== لكن اذا اشكل علي امر انشّده او ارد علي شكل البيت او اغلّطه او احرف المعني او اهجّده المهم ماخليه ياخذ شي علي احسابي هههههههه
3\هل الفتل والنقض حاضر في شعر صاهود؟

===لاما عتقد قاف ووزن واعرضه فالسوق ان سام احد تناقشت وياه ونوب عميا ونوب صميا هههههههههه

4\وماهو اقوى بيت فتلته؟

===مافيه وان كان فيه ماذّكره

5\وماهو اقوى بيت نقضته وماهو النقض ان امكن ؟

===ماعتقد ان فيه بيت نقضته وان كان فيه ماذكره

6\اخر مرة كنت متواجد فيها قبل الايقاف باسم خلف العارضي كنت مستحق للوسام بجدارة ولكنك عدت بعد الايقاف بمستوى اقل ماهو السر ؟

=== اول شي انا عود من عرض حزمه حالي حال العضو الجديد ثاني شي خلف العارضي خسر واجد

رغم ابداعه واول ماخسر حاكم الغنامي ومعجب وخوي السعد وانا عندي الرياجيل هاذي ابدا من الوسام

ثالث شي الهون ابرك مايهون ورابع شي ماعندي هدف اتعب علي شانه مجرد تسليه ويا الرجياجيل اللي مثلك وشرواك لكن انا اشوف صاهود وذيب عروا افضل من خلف العارضي بكثير

والله يذكره بالخير ذيب عروا شخص مرح

7\ شاهدناك تعود في المرة الاخيره اضعف مما كنت عليه في اخر مرة كنت تكتب فيها باسم خلف العارضي ماهو السر ؟

=== السعد يغيب ويحضر والواهس له دور ومرات العب احترام للي طالبني وخاصه الاعضاء الجدد

مارد احد ومرات ادخل ابقضب صف العوني ولا ابوطايل ولا العمده مالي نيه للعب يطلبني شاعر مااقدر اصد
حتي لايفهم غلط وياخذ عني فكره غلط

وحياك الله يابن سرحان

صاهود

14-Nov-2009, 05:21 PM

حي الله الضيف والمضيف .. السلام عليكم .. وشكرا من القلب على هذا التواصل الذي يجعلنا نتعرف على النشاما والرجال الطيبين .. الاخ العزيز والاستاذ / وحي العقل كم انا سعيد بهذه الحلقات التي تقدمها .. وحلقتنا هذه مميزه كتميز ضيفها ومضيفها صاهود له منّا جل التحايا على حظوره وهو أحد أركان المنتدى ورواده الطيبين .. اتمنى لكم أطيب الاوقات والاستمتاع .. والشكر موصول للأخوان من خلف الكواليس ..

...

مرحبا ومسهلا ياهايل والله يسلمك ويبارك فيك وشهادتي فيك مجروحه

انت من الناس اللي نشتري رضاها ولك حظوه كبيره عندي اخلاق وادب

وحّميه مشروعه وش اقول واخلّي قابلك الله ياهايل

لاهنت لاهنت

شـــلـــهوب

14-Nov-2009, 05:35 PM

حياك الله ياصاهود والله يقويك

تصدق توني ادري انك خلف العارضي :)

على العموم والنعم بالعوارض أهل مشذوبه وان طرالي أسئله جيت معوّد

لك فائق الاحترام والتقدير ....

سعود البرقاوي

14-Nov-2009, 05:46 PM

السلام عليكم ورحمة الله وبركاته

حلقة مميزة بالفعل وتواصل رائع وضيف ممتع
حضوري للسلام والسلام نظر

والاسئلة لاحقا
حتى اتفرغ لها على ركبة وساق

تحياتي

صاهود

14-Nov-2009, 05:57 PM

حياك الله ياصاهود والله يقويك

تصدق توني ادري انك خلف العارضي :)

على العموم والنعم بالعوارض أهل مشذوبه وان طرالي أسئله جيت معوّد

لك فائق الاحترام والتقدير ....

ههههههههههههههههههههههههههههههههههههههههههههه

هلا ياشلهوب والله اني اشتقت للحروب الداميه بيني وبينك

وماعلاك زود ياشلهوب وانتم اهل طلال == الهيلا وستين نعم جيران وعواني

لكن وينك ماعاد نشوفك عسا المانع خير والله كل ماذكر طواريقي معك ااني اتنومس فيها

اشهد بالله انك تحمي الميقاف

وبالنسبه يوم تقول مادريت ان صاهودخلف العارضي انت قطعت من العام علي ايام معرف خلف العارضي

صاهود

14-Nov-2009, 06:07 PM

السلام عليكم ورحمة الله وبركاته

حلقة مميزة بالفعل وتواصل رائع وضيف ممتع
حضوري للسلام والسلام نظر

والاسئلة لاحقا
حتى اتفرغ لها على ركبة وساق

تحياتي

عليك السلام ورحمته الله وبركاته

والمميز حظورك يابوفهد

والاسئله وش تبي فيها يابوفهد انا عرفّك وانت اتعرفني

خلك معي ان شفت احد احرجني في سؤؤال اهجده في طاروق:)

ابو فايح

14-Nov-2009, 06:16 PM

صاهود موجود ياليل مننت ليله

رغم عدم تفرغي هذا الاسبوع لكن سأحاول أن أعود ببعض الاسئله ولو الامر في يدي لجعلت الحلقه تمتد لاسبوعين لاني في بالي علوم واجد .

عيد العازمي

14-Nov-2009, 07:22 PM

مرحبا بالشاعر المبدع

صاهود

اخ وضيف عزيز

مهما اختلفت المعرفات

يبقا خلف محبوب وغالي معنا

صاهود

14-Nov-2009, 07:22 PM

صاهود موجود ياليل مننت ليله

رغم عدم تفرغي هذا الاسبوع لكن سأحاول أن أعود ببعض الاسئله ولو الامر في يدي لجعلت الحلقه تمتد لاسبوعين لاني في بالي علوم واجد .

هههههههههههههههههههههههههههههههههههههههههههههههههه هههههههههههههههههه

الحمدلله ان الامر ماهو في يدك وبعدين كثرة الاسئله اتّقلّل الغلا وانت غالي

انا ماحاتي فالاسئله غيرك فكني الله يرحم والديك

ولكن مني قصيده مدح لشخصك الكريم

سعد السميري

14-Nov-2009, 07:36 PM

بسم الله الرحمن الرحيم .. :) ..

قريت في النت بيت لطيف وفكاهي واتمنى تقبله .. ;)

يامرحبا ترحيبة" تسبق الفار=لاصار في دربه ثلاثين بسًه

:d

يامرحباااا بجميع المعرفًات اللي مريت عليها ..

وإسمحلي طال عمرك .. أبي أبدأ الأسئلة .. :

س1 / أراك في بعض الأيام .. تلعب أكثر من طاروقين في نفس الوقت .. ماسبب ذالك .. ؟ .. ومن خلال وجهة نظري .. إستهلاك الطواريق قد يضعف من المعنى أو الفتل والنقض .. هل توافقني الرأي ؟

س2/ بيت من النظم تفتخر فيه ... وتشعر إنًك أبدعت في صياغته .. ؟

س3 / هل تربطك معرفة أو علاقه بالعضو الشاعر [ العوني ] .. شاعر فحل وجزل في معناه .. ولفت النظر .. ؟

س4 / في محاورة بين الشاعرين : حبيب العازمي وتركي الميزاني ... في المغترة لعام 1428هـ ..

إفتتح حبيب المعنى بقوله :

يابن عطالله من ثيابك لبًس المجنون ثوب=وإليا رقد قلًه ذكي وإليا صحى قلًه غبي

الأرض خلقت للأنام وللسلام وللحروب=وأنته تخيًر يالمطيري ثم قلًي وش تبي

وكان ردً تركي الميزاني :

ماني وكيل" للمجننً لو تضيقبه الدروب=اللي مع الدرب يعدي واللي مع الدرب يحبي

أنا على ممشاي وأحسب حسبتي من كل صوب=وأهًم شي أعيش عمري ماتغيًر مذهبي

السؤال هنا .. هل ترى أن تركي أصاب في ردًه .. ؟ :)

هذ1 مع تمنيأتي لك بالتوفيق .. وإعذرنا كان شطحنا بالاسئلة أو ثقلنا ..

وأشكر أخوي وحي العقل على هذ1 الإبد1ع والمواضيع الناجحه ..

:)

صاهود

14-Nov-2009, 08:10 PM

بسم الله الرحمن الرحيم .. :) ..

قريت في النت بيت لطيف وفكاهي واتمنى تقبله .. ;)

يامرحبا ترحيبة" تسبق الفار=لاصار في دربه ثلاثين بسًه

==مالقيت غير هاذي ههههههههههههههههههه

:d

يامرحباااا بجميع المعرفًات اللي مريت عليها ..

وإسمحلي طال عمرك .. أبي أبدأ الأسئلة .. :

س1 / أراك في بعض الأيام .. تلعب أكثر من طاروقين في نفس الوقت .. ماسبب ذالك .. ؟ .. ومن خلال وجهة نظري .. إستهلاك الطواريق قد يضعف من المعنى أو الفتل والنقض .. هل توافقني الرأي ؟

والله مافيه سبب هي تجي كذا واكيد تضعف المستوي لان الذهن يتشتت والتركيز يضعف

واوافقك الراي 100 علي 100

س2/ بيت من النظم تفتخر فيه ... وتشعر إنًك أبدعت في صياغته .. ؟

==صعب احددها في قصيده لكن

== لاواهنيّك داله القلب مرتاح= مالوعنّك موميات السفايف

== لاحن رعاده وبرق الحيا لاح=تطري علي قلبي مساريح هايف

س3 / هل تربطك معرفة أو علاقه بالعضو الشاعر [ العوني ] .. شاعر فحل وجزل في معناه .. ولفت النظر .. ؟

=== يجمعني فيه المنتدي فقط خارج المنتدي مافي علاقه

س4 / في محاورة بين الشاعرين : حبيب العازمي وتركي الميزاني ... في المغترة لعام 1428هـ ..

إفتتح حبيب المعنى بقوله :

يابن عطالله من ثيابك لبًس المجنون ثوب=وإليا رقد قلًه ذكي وإليا صحى قلًه غبي

الأرض خلقت للأنام وللسلام وللحروب=وأنته تخيًر يالمطيري ثم قلًي وش تبي

وكان ردً تركي الميزاني :

ماني وكيل" للمجننً لو تضيقبه الدروب=اللي مع الدرب يعدي واللي مع الدرب يحبي

أنا على ممشاي وأحسب حسبتي من كل صوب=وأهًم شي أعيش عمري ماتغيًر مذهبي

=== شوف يمكن فيه ظروف صارت فالحفله نجهلها والشاعرين ادار فيها

لكن رد تركي اختار ان يتخلص من الموضوع وهو مافي شك ان فيه شاعر مقصود من قبل حبيب

وفيه كذا طريقه للرد علي بدعة حبيب وتركي اختار اللي فوق كتبته

السؤال هنا .. هل ترى أن تركي أصاب في ردًه .. ؟ :)

اعتقد انه اصاب

هذ1 مع تمنيأتي لك بالتوفيق .. وإعذرنا كان شطحنا بالاسئلة أو ثقلنا ..

==لابد مرورك مهم لي يالسميري واسئلتك محل اهتمام

وأشكر أخوي وحي العقل على هذ1 الإبد1ع والمواضيع الناجحه ..

:)

حياك الله يالسميري وشرفت

صاهود

14-Nov-2009, 08:50 PM

بسم الله الرحمن الرحيم .. :) ..

قريت في النت بيت لطيف وفكاهي واتمنى تقبله .. ;)

يامرحبا ترحيبة" تسبق الفار=لاصار في دربه ثلاثين بسًه

:d

يامرحباااا بجميع المعرفًات اللي مريت عليها ..

وإسمحلي طال عمرك .. أبي أبدأ الأسئلة .. :

س1 / أراك في بعض الأيام .. تلعب أكثر من طاروقين في نفس الوقت .. ماسبب ذالك .. ؟ .. ومن خلال وجهة نظري .. إستهلاك الطواريق قد يضعف من المعنى أو الفتل والنقض .. هل توافقني الرأي ؟

س2/ بيت من النظم تفتخر فيه ... وتشعر إنًك أبدعت في صياغته .. ؟

س3 / هل تربطك معرفة أو علاقه بالعضو الشاعر [ العوني ] .. شاعر فحل وجزل في معناه .. ولفت النظر .. ؟

س4 / في محاورة بين الشاعرين : حبيب العازمي وتركي الميزاني ... في المغترة لعام 1428هـ ..

إفتتح حبيب المعنى بقوله :

يابن عطالله من ثيابك لبًس المجنون ثوب=وإليا رقد قلًه ذكي وإليا صحى قلًه غبي

الأرض خلقت للأنام وللسلام وللحروب=وأنته تخيًر يالمطيري ثم قلًي وش تبي

وكان ردً تركي الميزاني :

ماني وكيل" للمجننً لو تضيقبه الدروب=اللي مع الدرب يعدي واللي مع الدرب يحبي

أنا على ممشاي وأحسب حسبتي من كل صوب=وأهًم شي أعيش عمري ماتغيًر مذهبي

السؤال هنا .. هل ترى أن تركي أصاب في ردًه .. ؟ :)

هذ1 مع تمنيأتي لك بالتوفيق .. وإعذرنا كان شطحنا بالاسئلة أو ثقلنا ..

وأشكر أخوي وحي العقل على هذ1 الإبد1ع والمواضيع الناجحه ..

:)

تعقيب عشان افتك من بعض الامور الحفله هاذي قبل مشكله تركي ولا بعدها

لانها علي اتجاهين

انتظر ردك

خوي السعد

14-Nov-2009, 09:50 PM

صاهود مسيك بالخار
ارب كل شي تمام وش لون الامور وانت مجعص على الكرسي هههههههههههههههههه
ياحبي لك صدقني مادخلت الا بمسي علاك
ولقيت رايد منزل محراف وعاني تلازمت انا وياه والله ياخارجنا.
وحي العقل الرائع اهنيك على اختياراتك الموفقه .

صاهود

14-Nov-2009, 09:56 PM

صاهود مسيك بالخار
ارب كل شي تمام وش لون الامور وانت مجعص على الكرسي هههههههههههههههههه
ياحبي لك صدقني مادخلت الا بمسي علاك
ولقيت رايد منزل محراف وعاني تلازمت انا وياه والله ياخارجنا.
وحي العقل الرائع اهنيك على اختياراتك الموفقه .

مسيت بالنور ياخوي السعد وانت خوي السعد

الكرسي عقّل ارجولي هههههههههههههه عساه مايمر علي صديق

الله يجعلها في ميزان حسناتك

وانا مار ماشوف ولا اسمع فيك

بس فكني من ابوفايح

ابو لمار

14-Nov-2009, 10:33 PM

صديقي العزيز والشاعر المبدع صاااهووود
مرحباااا مليووون 000شرّفت دائرة الضوء

شاعر جميل 00 خفيف الظل 00 طيب القلب

تشرّفت باللعب معك مرات عديده لكن بصراحه مستواك انخفض
بشكل ملحوظ في عودتك الاخيره ماهو السبب في نظرك ؟؟
هل الايقاف اكثر من مره له دور في انخفاض مستواك ؟؟

بصراحه منهم شعراء المعنى في منتدى الهيلا ؟؟

بمعرّف صاااهود كان بيني وبينك تواصل !!!
لماذا انقطع هذا التواصل حينما عدت بمعرّف ذيب عروى ؟؟
اللي اعرفه انك تخاف من الاداره والمشرفين وابو لمار
لا اداري ولا مشرف مثلك ضيف في حلة عتيبه ههههه 0

اتمنى الا اكون اثقلت عليك بالاسئله

لي عوده اذا طرى لي شي 00

صاهود

14-Nov-2009, 10:56 PM

صديقي العزيز والشاعر المبدع صاااهووود
مرحباااا مليووون 000شرّفت دائرة الضوء

شاعر جميل 00 خفيف الظل 00 طيب القلب

تشرّفت باللعب معك مرات عديده لكن بصراحه مستواك انخفض
بشكل ملحوظ في عودتك الاخيره ماهو السبب في نظرك ؟؟
هل الايقاف اكثر من مره له دور في انخفاض مستواك ؟؟

=== والله يابولمار السعد يغيب ويحضر واتعرف هالايام الطلعات للبل يوميا واتخبر علوم البدو هاذي ناقه ولّدت وهاذي عشّرت وبعت وشريت ومعاياه ومّاراه فالحلال

والمحاوره تبي تركيز وكل دخولي علي النت اكون عند البل وهذا مسيّر وهذا حادر للبيت

مافي مجال انك تاخذ راحتك فاللعب

بصراحه منهم شعراء المعنى في منتدى الهيلا ؟؟

==واجد يابولمار وش اعد واخلي

اهل الاوسمه برا الحسبه ومطير برا الحسبه لان شهادتي في ربعي مجروحه

عندك

محمد رشيد وحمد بن جوباح ورفيع المنزل وخوي السعد وخيال الصفراء وشلهوب والطيار

هذولا شعر واخلاق
بمعرّف صاااهود كان بيني وبينك تواصل !!!
لماذا انقطع هذا التواصل حينما عدت بمعرّف ذيب عروى ؟؟
اللي اعرفه انك تخاف من الاداره والمشرفين وابو لمار
لا اداري ولا مشرف مثلك ضيف في حلة عتيبه ههههه 0

=== ماهو خوف تقدر تقول حرص والتواصل معك بعد الايقاف عبر الخاص صعب لان الانتربول الدولي مراقب الشبكه العنكبوتيه فالواحد مايبين جرته ويوم زانت الامور وانا متواصل معك ودايم في صفك

انا ماخاف غير من حاكم خوف صدق ماهو خوف توقيف ههههههههههه عضويه لدرجة ابناخي يبا يسمونه حاكم وخليتهم يغيرون اسمه لاني تعقدت من اسم حاكم ههههههه يعني الواحد لاتوقف يرسلوله سبب التوقيف امّا حاكم مايرسل ماعنده غير الخلا الخلا وسلامتك

اتمنى الا اكون اثقلت عليك بالاسئله

=== لا بس فقعت مراتي ههههههههههه

لي عوده اذا طرى لي شي 00

== لا لا لاتجي من غير شر يابولمار اذكر الله

برقاء والسماء زرقاء

14-Nov-2009, 10:58 PM

صاهود قل آمين..

الله يرجك رج الشعير في بطن البعير

ابو فايح

14-Nov-2009, 11:00 PM

صاهود مابعد كلامك كلام

ولك الف تحيه

صاهود

14-Nov-2009, 11:01 PM

صاهود قل آمين..

الله يرجك رج الشعير في بطن البعير

افا افا ليه

عين خير

صاهود

14-Nov-2009, 11:06 PM

صاهود مابعد كلامك كلام

ولك الف تحيه

مشكور يابوفايح وبيض الله وجهك لانك محاور صعب

وذكي وانت مثل رشيد الزلامي الشاعر اللي يلعب مايتمتع فاللعب

وافي وافي

لاهنت

عبدالله المطرفي الهذلي

15-Nov-2009, 09:21 AM

صاهود ياصاهود الشاعر العنيد الخصم الشرس

مساك الله بالخير يالغالي ،، حبيت أسلم عليك وأسجل حضوري يالغالي .

ماجد السميري

15-Nov-2009, 11:44 AM

سلام عليكم ورحمة الله وبركاته

يستاهل صاهود ولو اني ما اعرفه

تسجيل حضور سريع

واذا فيه اسئله في وقت ثاني

تقبل تحياااااااااااتي

سلطان بن دحيم

15-Nov-2009, 11:51 AM

والله وجابك الله ههههههههههه

الله يحيييك وحبيت اسجل حضوري فقط

والاسئله ما يحتاج علومك كلها عندي هههههههههه

وسلامتك

صاهود

15-Nov-2009, 01:48 PM

صاهود ياصاهود الشاعر العنيد الخصم الشرس

مساك الله بالخير يالغالي ،، حبيت أسلم عليك وأسجل حضوري يالغالي .

مسيت بالنور يالمطرفي

وحياك الله

ماغليت الا من يغليك

صاهود

15-Nov-2009, 01:50 PM

سلام عليكم ورحمة الله وبركاته

يستاهل صاهود ولو اني ما اعرفه

تسجيل حضور سريع

واذا فيه اسئله في وقت ثاني

تقبل تحياااااااااااتي

عليك السلام ورحمته الله وبركاته

وتستاهيل يابن عاقل

وانا اعرفك مايحتاج

اسم علي مسما

لاهنت

صاهود

15-Nov-2009, 01:52 PM

والله وجابك الله ههههههههههه

الله يحيييك وحبيت اسجل حضوري فقط

والاسئله ما يحتاج علومك كلها عندي هههههههههه

وسلامتك

هههههههههههه

الايام دول يابن دحيم

من قدم السبت لقا الاحد

ونردها لك

حياك الله يابن دحيم

عقاب العنزي

15-Nov-2009, 04:27 PM

نعود مره اخرى مع الشاعر المحبوب \ صاهود

وعانك الله على كثرة الاسئله ههههه

س1 \ بوجهة نظرك منهو شاعر مطير الاول حاليا ً ؟

س2\ من تعتقد الاجدر ان يكون شاعر مطير مستقبلا ً ؟

س3\ اين يجد نفسه اكثر خلف العارضي فالنظم ام المحاوره ؟

س4\ محاوره لك فالمنتدى لاتزال فالذاكره ومع من ؟

س5\ نلاحظ كثرة طواريقك ونشاطك فالقسم ولكن هناك طواريق كثيره لم يتم الرد عليها ماهو تفسيرك لذلك ؟

س6\ بيت محاوره للاحد الشعراء المعروفين تمنيت انه لك ؟

واتمنى الاجابه على جميع الاسئله والابتعاد عن الدبلوماسيه

..

صاهود

15-Nov-2009, 05:16 PM

نعود مره اخرى مع الشاعر المحبوب \ صاهود

===مرحبابك باي وقت يابوفيصل

وعانك الله على كثرة الاسئله ههههه

س1 \ بوجهة نظرك منهو شاعر مطير الاول حاليا ً ؟

=== الخيل تقاس باثمانها وكثر امصاقلها وذكرها بين القبايل وشهرتها فكل هاذي الميزات تنطبق علي تركي الفين

س2\ من تعتقد الاجدر ان يكون شاعر مطير مستقبلا ً ؟

===هاذي علمها عند الله يابوفيصل ومطير تملك شعراء نظم ومحاوره وصعب التكهن لكن من جد وجد

س3\ اين يجد نفسه اكثر خلف العارضي فالنظم ام المحاوره ؟

==طبعا النظم وهو الرصيد يابوفيصل امّا المحاوره سوالف مقّفاه مافيها جزاله مثل النظم ولاتحفظ مثل النظم واضف عليها كثرت الذنوب فيها والامور اللي مانزل الله بها من سلطان وانا اعتبر نفسي دخيل علي
المحاوره وليست عالمي وهدفي مجرد التسليه لان فيها ميزه واحده حلوه التحدي وجه لوجه

س4\ محاوره لك فالمنتدى لاتزال فالذاكره ومع من ؟

===وحده وياك وكان موضوعها الوسام == وحده ويا بندر المرشدي كان فيها تحدي== وحده ويا سعود العصيمي كان موضوعها العنصريه

س5\ نلاحظ كثرة طواريقك ونشاطك فالقسم ولكن هناك طواريق كثيره لم يتم الرد عليها ماهو تفسيرك لذلك ؟

=== مالها الا تفسير واحد الكبر لله ماهو للبشر اكيد الخوف يابوفيصل مهما تعذر الطرف الثاني تفسيرها

الخوف يعني شاعر الوسام عنده استعداد انه ينغلب من شاعر يملك وسام ولايزعل لكن يغلبه عضو فضي

او يخطف الانظار عنه فالطاروق اذا ماحاشته سكته قلبيه ههههههههه تحوشه قرحه واحموضه

س6\ بيت محاوره للاحد الشعراء المعروفين تمنيت انه لك ؟

ترا قصير الثوب مايستر طويل = امّا شمر من قدم ولا من ورا

للشاعر عبدالله المسعودي الله يرحمه
واتمنى الاجابه على جميع الاسئله والابتعاد عن الدبلوماسيه

..

لا لا الدبلماسيه ماعرفها يابوفيصل الصدق انّجا

ابورازن فالمريخ

15-Nov-2009, 05:21 PM

يعطيك العافيه ياصاهود وموفق خير

صاهود

15-Nov-2009, 05:35 PM

يعطيك العافيه ياصاهود وموفق خير

الله يعافيك يابورزان

ومكثور الخير

لاهنت

رفيع المنزل

15-Nov-2009, 06:31 PM

الشاعر الرائع صاهود ليس لدي ماأتسآل عنه الا اشياء طرحها الاخوان ووجدت اجابتها

وانت شاعر تستحق الاهتمام وخفيف دم

ولاانسى شكرك على ثنائك علي وصدقني انني لازلت في شك من كوني شاعر فضلا عن اوسمة واشياء اخرى

تحيتي لك

صاهود

15-Nov-2009, 07:33 PM

الشاعر الرائع صاهود ليس لدي ماأتسآل عنه الا اشياء طرحها الاخوان ووجدت اجابتها

وانت شاعر تستحق الاهتمام وخفيف دم

ولاانسى شكرك على ثنائك علي وصدقني انني لازلت في شك من كوني شاعر فضلا عن اوسمة واشياء اخرى

تحيتي لك

والله لاتقرب لي ولا اعرفك يارفيع المنزل لكن انا قلت مايملي علي ضميري

ومن نشدك دخل في ذمتك

شاعر وقوي

لاهنت علي المرور

قادح شرار

15-Nov-2009, 10:03 PM

حيا الله خلف ..

يسعدنا وجودك تحت دائرة الضوء ..

متميّز بشعرك وبأخلاقك يا خلف ..

هذه تسجيل حضور ..

وإن طرالي بعض الأسئلة جيتك بها ..

سعود البرقاوي

16-Nov-2009, 04:57 AM

السلام عليكم ورحمة الله وبركاته ؛؛

صاهود
يعجبني في هذا الشخص روحه المرحه والفكاهة التي تحل اينما يحل وتواجده المستمر بشكل فعال وابداعاته المتعددة في قسم المحاورة

- صاهود ،، انت (معقد شوش) وتحاول بأي طريقة من الطرق أن تصبّ القوم فوق القوم ،، ما الذي يبرئك من هالاتهام ؟
- بكل صراحة ما بيني وبينك بندر المرشدي وحمود بن برجس ؟
- الا تلاحظ بأن كثرة (الاستهبال) تقلل من الهيبة ،، بحيث لايراك الشاعر شيئا ذو أهمية ؟
- تهجمت على الشاعر سلطان بن دحيم وحصل بينكما ما حصل ،، لماذا لم تحذف تلك المحاورة ؟ ولماذا لم تبحث عن غير ابن دحيم . ولماذا تحب الهجوم دائماً ؟
- بالعودة الى طواريقك نلاحظ أن 80% منها لايتجاوز (10) ردود لذلك ماهو السبب ؟
- لاتملك استراتيجية معينة للعب ،، بمعنى أنك تدور للعب مع الصاحي والمجنون ،، الهذه الدرجة تحب المحاورة ؟
- لأنك محايد لنفترض انه تم وضع استفتاء منهو شاعر الهيلا على مستوى المنتدى ،، فمن يستحق ان يكون شاعر الهيلا ؟
- (قروب المطران) لم يعد له تواجد في منتدى العتبان ،، ماهي الاسباب التي ادت الى تفككه وانهياره ؟
- الاحظ انك تعطي اشخاص أكبر من احجامهم الحقيقية هل هذه طريقة لكسب الود وانشاء علاقة ؟
- شليويح المطيري هو الأول في مطير بدون منازع فمن هو الثاني ؟ وهل تستطيع ان ترتب لي شعراء قبيلة مطير بالاولوية .
- ماهي اوجه الشبه بين عبدالله الميزاني و تركي الميزاني ،، وماهي اوجه الاختلاف بينهما ايضاً ؟
- بصراحة وبإستثناء شليويح ،، هل كان حياة خليف بن دواس يشكّل عائق كبير أمام شعراء مطير الاخرين ؟
- ابن سلمي مثل رضوان ماله فالتطور حظ = تطور كل حاجة غير ابن سلمي ورضواني .. هل هذا البيت واقعي ؟ وكيف ترى زيد العضيلة ؟ لاسيما وانه شاعر قديم ،، واتمنى ان تتحدث عنه بإسهاب
هذا مالدي الآن وربما سيكون لي عودة و أتمنى ان ترسل سلامي واعجابي لزميلنا الشاعر العوني الذي اتمنى عودته في اسرع وقت ممكن

سعود البرقاوي

ماجد العصيمي

16-Nov-2009, 09:16 AM

مرحبا مليون ياصاهود زعيم حزب (الحياه في عز او الموت في عز)

السؤال الاول / هل ترى بانك شاعر من السهل ان تستفز ؟

السؤال الثاني / انت شاعر بلا شك لكن لم نرى لقب شاعر تحت اسمك (يمكن لكثرة ايقافاتك)
هل ترى بان هناك شعراء يستحقون هذا اللقب على اقل تقدير (بلاش من الاوسمه)؟

ودمت بخير

صاهود

16-Nov-2009, 05:56 PM

السلام عليكم ورحمة الله وبركاته ؛؛

صاهود
يعجبني في هذا الشخص روحه المرحه والفكاهة التي تحل اينما يحل وتواجده المستمر بشكل فعال وابداعاته المتعددة في قسم المحاورة

- صاهود ،، انت (معقد شوش) وتحاول بأي طريقة من الطرق أن تصبّ القوم فوق القوم ،، ما الذي يبرئك من هالاتهام ؟
-=== ماعندي اثبات غير ===اقسم بالله اللذي لا الله الا هو ان هذا الاتهام غير صحيح
وفي شاعر اسمه عبد البصير تهجم علي الشاعر النشمي بطريقه خبيثه ورديت عليه ونقّدته علي نفسه

بكل صراحة ما بيني وبينك بندر المرشدي وحمود بن برجس ؟
-
== مابيني وبينهم شي وحمود بن برجس والله ماعرفه ولابيني وبينه شي=== اما بندر المرشدي اعرفه ويعرفني ولا بيني وبينه شي

الا تلاحظ بأن كثرة (الاستهبال) تقلل من الهيبة ،، بحيث لايراك الشاعر شيئا ذو أهمية ؟
-
== ليش تسميه استبهال ليش ماتسميه اخذ وعطا وتعليقات وضحكات ومزوح حالها حال الناس فالدوانيه

امّا الهيبه امحفوظه امن اول تالي ولا احد يقدر ينزلها ولاخير فينا كان ضاعت هيبتنا لكن انا قاعد اصلح اخطاء خلف العارضي وراع العشوا

لانهم سببولي كوارث فالمنتدي

==اما من ناحية الاهميه الما مايغطيه النثيل يابوفهد

تهجمت على الشاعر سلطان بن دحيم وحصل بينكما ما حصل ،، لماذا لم تحذف تلك المحاورة ؟ ولماذا لم تبحث عن غير ابن دحيم . ولماذا تحب الهجوم دائماً ؟
-
===واجد اللقاءات الحاميه بيني وبين ابن دحيم اي وحده تقصد === واشلون احذفها مالي صلاحيه احذفها
وابن دحيم عزيز علي وللعلم يابوفهد سهم الليل وشبل الموازين وقادح شرار وسلطان بن دحيم وعقاب
وخوي السعد
اغلا ماعندي فالمنتدي لكن يبقا سلطان بن دحيم وسيع بنايد والصمخ بيني وبينه له خطوط حمراء مانتعداها اولها سب القبايل والشرف
واسهل وسيله للدفاع الهجوم

بالعودة الى طواريقك نلاحظ أن 80% منها لايتجاوز (10) ردود لذلك ماهو السبب ؟
-===لااعلم السبب

لاتملك استراتيجية معينة للعب ،، بمعنى أنك تدور للعب مع الصاحي والمجنون ،، الهذه الدرجة تحب المحاورة ؟
-
=== الصاحي انا اطلبه والمجنون هو اللي يطلبني ولو اني اخالفك فالتشبيه كل الناس صاحين والمجنون ماله محل بيا

لأنك محايد لنفترض انه تم وضع استفتاء منهو شاعر الهيلا على مستوى المنتدى ،، فمن يستحق ان يكون شاعر الهيلا ؟
-
==شاعر الهيلا فالمنتدي كبتن عتيبه بلامنازع وياتي سلطان الجذع

(قروب المطران) لم يعد له تواجد في منتدى العتبان ،، ماهي الاسباب التي ادت الى تفككه وانهياره ؟
-
==ماني خابر فيه اقروب للمطران فالمنتدي

الاحظ انك تعطي اشخاص أكبر من احجامهم الحقيقية هل هذه طريقة لكسب الود وانشاء علاقة ؟
-
==هذا سوال عايم يحتاج تفصيل منك == لكن بشكل عام انا احترام الناس فالمنتدي ماهو علي شاعريتهم علي مشاركتهم وكيف طريقتها تعكس لي شخصية المشارك واقدر اقييمه من خلالها
يعني اغلبهم من الاعضاء الغير حاملين اوسمه ولا لووقّفت علي الشعر ماكونت علاقه علي سبيل المثال
في شاعر مغمور توه جديد اسمه عيد بن مرضي الشخص من خلال مشاركاته عرفت انه محترم وكونت علاقه معه
شليويح المطيري هو الأول في مطير بدون منازع فمن هو الثاني ؟ وهل تستطيع ان ترتب لي شعراء قبيلة مطير بالاولوية .

==هباج الهجله فالحره هو الشاعر الاول علي مطير ماهو شليويح بشهادة شليويح نفسه

لاوالله ماقدر ارتبهم

ماهي اوجه الشبه بين عبدالله الميزاني و تركي الميزاني ،، وماهي اوجه الاختلاف بينهما ايضاً ؟

==== اوجه الشبه الشعر

=== الاختلاف تركي بشوش عبدالله غير بشوش وعبدالله الميزاني جمهوره الشعراء

بصراحة وبإستثناء شليويح ،، هل كان حياة خليف بن دواس يشكّل عائق كبير أمام شعراء مطير الاخرين ؟
-
=== لا كل سابق تظهرها يدها
ابن سلمي مثل رضوان ماله فالتطور حظ = تطور كل حاجة غير ابن سلمي ورضواني .. هل هذا البيت واقعي ؟ وكيف ترى زيد العضيلة ؟ لاسيما وانه شاعر قديم ،، واتمنى ان تتحدث عنه بإسهاب
هذا مالدي الآن وربما سيكون لي عودة و أتمنى ان ترسل سلامي واعجابي لزميلنا الشاعر العوني الذي اتمنى عودته في اسرع وقت ممكن

=== ماني عارف المقصود فالتطور ايش لكن اللي اعرفه ان الضوء غير مسلط علي زيد العضيله
ولا يضيع لي شي فالميادين وشاعر قوي وخصم ومحترم وبشوش وكاسب احترام الشعراء امّا العوني لا شفته اوصل سلامك حاضر

سعود البرقاوي

حياك الله ياسعود ولا ترد من غير شر

صاهود

16-Nov-2009, 06:01 PM

مرحبا مليون ياصاهود زعيم حزب (الحياه في عز او الموت في عز)

=== مرحبا ومسهلا ياشبل شرفت واعلوم الحزب

السؤال الاول / هل ترى بانك شاعر من السهل ان تستفز ؟

=== ابدا ابدا الاستفزاز يكون برغيه مني

السؤال الثاني / انت شاعر بلا شك لكن لم نرى لقب شاعر تحت اسمك (يمكن لكثرة ايقافاتك)
هل ترى بان هناك شعراء يستحقون هذا اللقب على اقل تقدير (بلاش من الاوسمه)؟

===كل شخص يوزن البيت ويقفيه ويلعب فالمنتدي يعتبر شاعر بغض النظر عن المستوي
ولا ليش حطوا الاوسمه كان اكتفو في كلمة شاعر لكن الاوسمه للمبدعين من الشعراء

ودمت بخير

حياك الله ودمت بالف خير