مقلب قوي جداً بين العير رحمه الله وابن شايق

[شمروخ ابن عايد]

ولأني اطلعت على مقلب تردده الجماهير لأبن شايق قام بتمريره على الشيخي ولا اعلم سر هذا الاهتمام , ربما لوضوحه أو أن طريقته مبسطة جداً ويسهل استيعابه .



ومع أن المحاورات تحفل كل ليلة بمطبات قوية وتمريرات تصل الى عبقرية فإنها تذهب دون انتباه ولاينتبه لها الا الشعراء او عدد محدود من المتلقين وتظل حبيسة الأدراج .


هنا مقلب بمنتهى الذكاء تم تمريره من المرحوم عبدالله العير على ابن شايق ولم ينبه له ابداً .


واريد منكم اكتشافه .











ابن شايق

انت يالعير راسك فيه دورة فلك = الله انه يزيد العافيه عافيه
ودنا ودنا نرضيك ما نزعلك = صاخنه بارده والثالثه دافيه

عبدالله العير

الجمل حملته في غاربه مابرك = جعلها ياآل عاطف نعمتةٍ ضافيه
طير قرناس طاح العصر وسط الشبك = يحسب ان الليالي كلها صافيه

عبدالله بن شايق

عطني اذنك تعال اشاورك واسألك = والاشاره تراها بيننا كافيه
حاسب النفس قبل الموت ويش اعملك = ليش نارك تشب وجمرتك طافيه

عبدالله العير

انت عذروبك انك في رفيقك تشك = اكثر الوقت ما ترقد عن اللافيه
المطيري سلك والعاطفي ما سلك = من نظر قدم وجهه ينظر اخلافيه


عبدالله بن شايق

منزلي منزلي وانت اتعرف منزلك - روحنا تستقر وروحكم نافيه
المطيري هلك والعاطفي ما هلك = ارفع الرمي يابو طلقتةٍ هافيه

عبدالله العير

ياحصان ال عاطف فارقتك الرمك = نحسب انك حصانٍ زين وسنافيه
لو ابا احط راسي وسط حبل الدرك = رحت يابن الحلال ارباع وانصافيه


عبدالله بن شايق

ياحصان البدو ومطير ما نجهلك = انت في مصر مثل احصان الاريافيه
انت ياعبدلي والله ما اجي عبد لك = واجبك راس رمحي بين الانجافيه


عبدالله العير

انت مدري وش اللي عن عشاك اشغلك = لين روح به اللي جرته حافيه
عبدك اللي ورا تبراك يخدم هلك = لا قين في طرفك فراش والحافيه

عبدالله بن شايق

روح وانشد مداهيلك وشف مدهلك = الونيت الحمر مافيه نسافيه
شد من جنب صبحا شايبٍ جد لك = كانه العبد علمني بالاوصافيه

عبدالله العير

انت تجهل وانا ما واخذك بجهلك = جعلها غزوةٍ ما عقبها انكافيه
وين ما رحت عبدك في الدير يطردك = ياعبيدٍ ورا عمانها وافيه

[محمد العبيدي]

يابن عايـد أشكرك على نقل المحاوره وأحب أنبهك إن بن شايق ماغداله شي مع الشعار كلهم والخطر على الشعار مهب عليه ومن ناحية هاذه المحاوره فالمقالب من الطرفين وكل منهم عارف لعب الثاني وأصلا هاذي طريقتهم دايم وكان بن شايق يعتمد أي حفله يشارك فيها العيــــــر وياما وياما مرر على العير وعلى غيــــره وهاذي مهنته قلي من الشاعر الي ما قدر يمرر عليــــــه

تحــــــياتي

[ولدعساف]

عز الله ماني براعي مطبات واللي خابره ان ابن شايق هو راع المقالب.

[ابو فايح]

طاروق رائع وبكل صراحه هناك أبيات قويه من العير الله يرحمه لم يعجبني رد ابن شايق عليها وهي وجهة نظر

انت عذروبك انك في رفيقك تشك *** اكثر الوقت ما ترقد عن اللافيه

وهذا بيت قوي جدا لكن كذلك من وجهة نظري إن ابن شايق لم يسن الرد عليه وجابها على نفسه

عبدك اللي ورا تبراك يخدم هلك*** لا قين في طرفك فراش والحافيه

[ابو ماجدالمرشدي]

عبدك اللي ورا تبراك يخدم هلك*** لا قين في طرفك فراش والحافيه


انا اشوف ان المقلب في هذا البيت والله اعلم


الله يرحم العير ويغفر له ويطول في عمر بن شايق على طاعته

[شمروخ ابن عايد]

عبدك اللي ورا تبراك يخدم هلك*** لا قين في طرفك فراش والحافيه


انا اشوف ان المقلب في هذا البيت والله اعلم


الله يرحم العير ويغفر له ويطول في عمر بن شايق على طاعته








بالفعل ياابو ماجد المرشدي .






وأعطيك تسلسل الأبيات حتى يتم استيعاب المقلب الرائع , الذي لم ينتبه له ابن شايق أبداً


يقول ابن شايق :

انت ياعبدلي والله ما اجي عبد لك = واجبك راس رمحي بين الانجافيه


يستغل ابن شايق كلمة عبدلي وهي قبيلة العير , ليمرر كلمة عبد لي ,هو تمرير مستهلك جداً ومعروف وأكل عليه الزمن وشرب , ويقصد به أنت عبداً لي .











لكن لاحظوا كيف رد العير وكيف أوهم ابن شايق بأن نيته طيبة , فقال العير رحمه الله :


عبدك اللي ورا تبراك يخدم هلك = لاقياً في طرفك فراش ولاحفيه


ودققوا كثيراً على الشطر الثاني ومايعنيه في طرفك , أي أهل البيت , وفراش ولاحفيه معروف مقصدها .


وكذلك البيت الأول ضمن هذا المقلب (( وش اللي عن عشاك اشغلك )) أي أهلك , لين روح به اللي جرته حافيه , اخذهم هذا العبد .







ابن شايق رد بحسن نية وكأنه يؤكد أن العير هو عبد , ولازال ابن شايق على معناه الأول ولم يفطن ابداً لمقالب العير رحمه الله , فقال ابن شايق ويعيد التأكيد على أنه العير عبداً له , دون أي انتباه للبلاوي في بيوت العير رحمه الله فقال ابن شايق :

روح وانشد مداهيلك وشف مدهلك = الونيت الحمر مافيه نسافيه
شد من جنب صبحا شايبٍ جد لك = كانه العبد علمني بالاوصافيه









ثم يختم العير مؤكداً وقوع ابن شايق في مقلب قوي دون أن ينتبه له :

انت تجهل وانا ما واخذك بجهلك = جعلها غزوةٍ ما عقبها انكافيه








ويعيد العير رحمه الله على وفاء عبد ابن شايق له , وأنه لايمكن أن يفرط بقربه , نتيجة ماوجده عنده , وبسبب ماذكر في البيوت اعلاه , وهل من يجد هذه الأشياء يمكن أن يفرط بمثل هذا العم :

وين ما رحت عبدك في الدير يطردك = ياعبيدٍ ورا عمانها وافيه

[ابورازن فالمريخ]

لاهنت ياشمروخ والله يرحم العير

[عزوز النفيعي]

روح وانشد مداهيلك وشف مدهلك
الونيت الحمر مافيه نسافيه


هذا البيت ممكن فيه مقلب من ابن شايق


على العموم مشكور يا شمروخ


والله يرحم العير


وابن شايق اخذ اكبر من حجمه

[محمد العبيدي]

ياشمـروخ لاتفسر على كيفـك بن شايق راعي مقالب وماتمشي عليه الله يصلحـك خلك في حـالك

وياما وياما

تقـديـري,,,

[خيال الأصيله]

محاوره ورائعه جداً رحم لله العير

من وجهة نظري ان ابن شايق لم يوفق بهذه المحاوره وهي واضحه

[صاهود]

صراحه تشكر علي الجهد ياشمروخ

هذا ماهو مقلب وبس طاروق كامل فالمقالب

والغريب ان ابن شايق برّح للعير دربه في ردوده

تسلم يمينك يابن عايد

والله يرحم العير عزالله انه فقيده وعسا ماواه الجنه

[ماجد العصيمي]

الله يرحم العير



اقل مايقال عنه انه بحر

[عواد ناجم]

رحم الله أخو دعجه وأطال الله عمر أبوشنب

وأنا لي رأي خاص كثر فالأونه الأخيرة بعد محاورة بن شايق والشيخي مقولة ( بن شايق راعي مقالب ) جميع الشعراء يعملون مقالب ومقالب بن شايق عاديه شعار المقالب القوية اللتي تسمى مقالب معروفين في الجيل القديم والجديد في الجيل القديم أبومشعاب السلمي والزلامي وصياف وخليف والجبرتي أما الحالي فالوحيد السناني