عقب البطا عن منتدى العتبان وش حمض العلوم = اخذتلي فتره واثر مالي عن العتبانيه

[زياد المزرمي]

سلام تسليمة وفا تطلع سما ولا تعوم = وليا لفت في محتواها اللول والمرجانيه

عقب البطا عن منتدى العتبان وش حمض العلوم = اخذتلي فتره واثر مالي عن العتبانيه

[صاهود]

ومن الحب ماقتل

صح السانك

يابوصالح

[زياد المزرمي]

هلا هلا وغلا

يالله حي صاهود

صح بدنك يالذيب ومنور بتواجدك

[علي خيران العتيبي]

يا مرحبا بك يا هلا حسب العوايد و السلوم = ترحيبت(ن) ترضي جميع الي لفانا عانيه
ما به جديد علوم طيب و مرجله في كل يوم = و يا زين هرجك مير علمك يا فتى المطرانيه

[سعود البرقاوي]

الله الله
وبداية مناورة شعرية ممتعة

الصف صفك يابن خيران
وخل صاهود مع ابن عمه

[صاهود]

الله الله
وبداية مناورة شعرية ممتعة

الصف صفك يابن خيران
وخل صاهود مع ابن عمه

لايابعد روحي انا ماني مثلك عنصري

ابن خيران كويتي وانا كويتي ومصيرنا واحد

رح اقضب صف :) الشاعر السعودي

[علي خيران العتيبي]

سعود

هههههههههههه
و المتعه بوجودك انت و صاهود و شرواكم
و الصف يزهابك
شرفتنا يالذيب .

[علي خيران العتيبي]

صاهود

هههههههههههههههه
كفو يالذيب
تحيا الوطنيه
هههههههههههههههه
كلنا واحد بلا شك
و كما قال فلاح
الكويتي و السعودي يا عبدالله خوان
ههههههههههههههه

اخبارك يالذيب ؟

[زياد المزرمي]

مادام عظمك قام يالله ياعسى حظك يقوم = وتسد في واجبك ياللي بنت فالميدانيه

الله يديم الخير واللي غير جعله مايدوم = لو كان نار المشكله باين لها دخانيه

[زياد المزرمي]

سعود البرقاوي

صح بدنك يالغالي

ومنور بتواجدك العطر

[علي خيران العتيبي]

انا من العتبان يا مطيري و اسد كل اللزوم = و انتم رميتو رميتن لكن بلا نيشانيه
الغير ما نعرفه يا عاشقه .. للعليا نروم = و حنا نبا نسقيك كان انك رجل ظميانيه

[زياد المزرمي]

بعض الاوادم نحشمه لو كان ماهو بمحشوم = لا واخسارة جهدي وتحريك عظم لسانيه

لديت عيني فالسماء وليا السماء كله نجوم = واربع دقايق غيّمت واللي علاها فانيه


تصبح على خير يا علي

تشرفنا يالغالي

[علي خيران العتيبي]

ماهو بطيب(ن) منك يا مطيري و عنك نب نشوم = و والله لو نبغى ترى ذبحتك مثل الظانيه
ان كان ناظرت السما والله لو فيها غيوم = تغيب كل هذي الغيوم افلحظه او في ثانيه

[ولد عمهوج]

صح لسانك يازياد الشعر والطيب وصح لسان على العتيبي

استمتعنا بمحاوره قويه من شاعرين قويين

لكم مني اطيب التحايا ......

أخوكم

ولد عمهوج