سعود البرقاوي

[نايف بن ملحق الثعلي]

البدايه ياسلام ورحمه الله وبركاته=عد نجم في سماه وعد همال المخيله
ياسعود الدور جاك وكان عندك علم هاته=لاتضيقبك الدروب اركب علي ظهر الاصيله

[عبدالله الاصعر]

الله الله


نايف صح لسانك على البدايه الجزله


وصح لسان سعودمقدما


تحياتي

[مشاري الشيباني]

صح لسانك يالثعلي


وصح لسان البرقاوي مقدما


اكيد على موعد مع الجزالة

في حضور اثنين من منبع الشعر الاصيل

[نايف بن ملحق الثعلي]

عبدالله الاصعر
شبل الهيلا
مروركم يشرف

[سعود البرقاوي]

مرحبا يامسلمٍ صلى ولاكمّل صلاته = من صلاته ياوجيه الخير نعرف وش بقي له
ابن ملحق لو يطول الوقت ماكب احركاته = يعترض للناس فالطرقات ويحصّل حصيله

[محمد النخيش]

الله الله


ابداع



ابو فهد الله يعينك علاهم طاروقين في وقت واحد

[نايف بن ملحق الثعلي]

البقاء للشاعر الي خابرينه من حايته=مايحل المعجزات ولا يجيب المستحيله
الزمان الي مضي كل يسجل ذكرياته=كيف ابا علمك وانته شاعر ونفسك ثقيله

[سعود البرقاوي]

ياجماعة خير ،، نايف ،، لو نبا نآخذ عباته = مامعه فالراس علم ولا معه فاليّد حيلة
الزمان اللي مضى مثلك ماتكثر عينّاته = مع رياجيلٍ لهم مبدى على راس الطويلة

[نايف بن ملحق الثعلي]

انت برقاوي وبرقاء مانبا لحد شماته=والحقيقه يعلم الله مانبا شقر القبيله
اثر ابو زيد الهلالي ماحد سوي سواته=ياسعود الحمل جاير وانت ماتقدر تشيله