اقرب شاعر يتفضل مشكورا

[الثعبان]

سلامي على الشعار في منتدى العتبان= واثني على الغاوين تباعت الشعار

ابا واحد(ن) يصبر على لدغة الثعبان= ومن لايبا يصبر يقفل علاه الدار

[فرهودي]

هلا مرجبا والي على الطيبه ماهان = ولا يتبع الغاوين رجل ٍ عليه الشار
تقوله وانا خابرك راس ٍ بلا نيبان = ماغير اللسان الي مقاسه ثلاث امتار

[الثعبان]

يدوم البقا ياصاحبي والكريم معان= ولكن يايقدر البدو دوك صلو النار


اثرك الغشيم اللي جهل صيفة الديبان= ترى الناب داخل قرب ودقق المنظار

[الشاعر فهد رحيم النفيعي]

الليل ............ الليل



متابع..................

[الثعبان]

الله يمسيك بالخير يافهد من طول الغيبات جاب الغنايم

[الشاعر فهد رحيم النفيعي]

والله اني قريب بس مشاغل الحياة



إحترامي لكما

[فرهودي]

على الهون ياثعبان لاينزغك شيطان = وبتل على قدام لا تعكس الدوار
انا ماطلبت المال من تاجر ٍ خسران = ولا أقدر الي لحيته مالها مقدار

[فرهودي]

حياك الله يافهد ولا هنت

[الثعبان]

انا ماعكست السير والظرف له عنوان= لكن انتبه ياحامي الدار لاهل الدار


اظنك عمى ماشفت وش يحوي الدكان=ومن لا يشوف الكنز لايقرب التجار

[معجب العتيبي]

الله الله

الثعبان وفرهودي


صحة الالسن


متابع للابداع

[عبدالبصير]

بسم الله الرحمن الرحيم
يشرفني مشاركتكم في هذا القسم وارجو من الله ان استفيد من هذه النخبة من الشعراء لاني في بداياتي الشعريه ولم اشارك في هذا القسم الا لكي اتعلم واستفيد من هذه النخبه من الشعراء بارك الله فيهم


سلام الله على اللي يكرمون الجار والخطار = رجال عتيبة الهيلا هل الطالات والهيبة
انا شاعر وضيف ودي أغني مع الشعار = على وضح النقاء والضيف في حكمة معازيبة