يا عتيبـــه

[بن بادي]

السلاام عليكم ورحمة الله وبركاته

مساكم الله بالخير يا عتيبه ...

انا يا ربعي ودنا بواحدٍ منا من اللي يعرفون يصممون

ستايلات يصمم إلنا ستايل خاص لمنتدى الهيلا

بدل الستايل هذا اللي موجود .. او حتى الستايل الثاني

اعتقد انه لو يكون للمنتدى استايل مختلف ويكون ذا تقنية عالية

وشكل رائع ويليق بقبيلة ذات اسم كبير كقبيلتنا

انه يصمم لنا الستايل ويتم وضعه في المنتدى كستايل رئيسي

ويتم وضع خيارات اخرى لمن لا يريد الستايل الرئيسي

هذا اقتراحي يا عيال عمي واقصد به انا نكون افضل

واللي له راي ثاني يعطيناه .. ننتظر رأيكم ...

والله يبيض وجيهكم جميع ويرحم والديكم

تحياتي العااطره لكم جميعااا ...

الثبيتي

[الوليد الاسعدي]

كلامك جميل وياليت ان تكون على شكل مسابقة بين المصممين ومن يفوز بترشيح الاعضاء في افضل تصميمم . وياليت ابو خالد يعطينا رأيه .
ثم نريد منك يابن بادي تتولى الحملة الاعلانية :) وش قلت ؟

[بن بادي]

مرحبا يالوليد

والله فكرتك جداً حلوه .. ولو يصير تنافس اكيد راح يكون هناك

تصاميم قويه وهذا ما نتمناه .. خدمة ووفاء لقبيلتنا

وانا والله اخدم القبيله بعيوني بس ما نسد .. الاخوان فيهم خير وبركه

يعطيكم الله العافية ...

[الوليد الاسعدي]

الرسالة الأصلية كتبت بواسطة بن بادي

وانا والله اخدم القبيله بعيوني بس ما نسد .. الاخوان فيهم خير وبركه

يعطيكم الله العافية ...

اشوفك فركت :)
دعني اصارحك وانا ولد عمك ... اذا ماكل عضو يعتبر نفسه هو المسؤول الاول ويحمل على عاتقه اي عبئ يستطيعه ويترك التواضع الغير مبرر فلن يقوم هذا المنتدى او غيره .
اخوك الوليد.

[بن بادي]

يا ابن عمي

ما فركنا ولا شي .. واللي اقدر علاه بسويه

بس انا ماني فاهم وش المطلوب عشان كذا فركنا على قولك :D

فهموني اللي تبونه ولو اقدر عليه والله ما يردني غير الموت

تحياااااتي العاطره بعبير المجد ...

بن بادي

[العتيبي]

وعليكم السلام ورحمة الله


اخوي بن بادي

اخوي الوليد

بيض الله وجيهكم وفكرة ممتازه جدا

واذا تبغون النقاط الاساسية للتصميم هي كالاتي

اولا التصميم يكون ببرامج التصميم وهي صور ولكن لازم توحي لمضمون المنتدى واهتمامه

ويجب ان تكون الالوان متناسقة ومتدرجه

وهي

- بنر ( وهو اللي يجي في رأس الصفحة)

- اطار (اللي يدخل داخله اقسام المنتدى ومواضيعه)

-تذييل ( وهو اسفل الصفحة وعادة هذا غير مهم فقط تصميم بسيط ينهى اطار الصفحة وتكون عادة فيه الحقوق ومعلومات التصميم)

- ازرار المنتدى كاملة بحيت تتناسق وترتبط مع مضمون المنتدى ولونه

هذي هي الاساسية

وتأتي بعدها امور ثانوية اخرى


وانا والله خبرتي في تركيب وتعديل المنتديات اما التصميم اللي اقدر عليه وحدي اللي انتم شايفينه هالحين ولكن الالوان اللي الان يطلبونها الاعضاء هو لون هادي ويكون صحراوي اي الدرجات البنية الفاتحة جدا

وكل شخص له ذوق

ولو تمت مابقة وتنافس اعتقد انا راح نحصل على عمل جيد باذن الله

[الوليد الاسعدي]

الله يعطيك العافية يابوخالد على هذه النقاط الاساسية والتوجيهية المهمة .والشكر موصول لك يابن بادي على الاستعداد الذي ابديته ولا هو غريبة عليكم ياعتيبة .
قبل ان يشرع في عمل مسابقة عن افضل تصميم للمنتدى لابد ان نعرف اولا رأي الاعضاء وكذلك جميع ادريي المنتدى في هذا الاقتراح هل تغيير تصميم المنتدى الحالي مطلوب ام لا ؟؟نريد الاجابة من جميع من يهمه امر هذا المنتدى ؟ ثم بعد ذلك سيبدأ ابن بادي بادارة الحملة الاعلامية :)

[الكواكبي]

انا اتفق مع اخونا بن بادي المحترم

ونتمنى من الاخوه المشرفين الاهتمام في المواضيع وانهم يبتعدون عن بعض المواضيع التي هي بعيده عن مصلحت وسمعت القبيله مثل الدخول في مواضيع القبائل اخرى والسماح لبعض الاخوان بشتم او تجريح بعض القبائل الاخرى بمما يسبب الاحقاد على قبيلتنا العريقه
نرجو ان يكون هذا المنتدى واجه طيبه ومشرفه دائما لقبيلتنا بفضل مواقفكم المشرفه ليس بشكل المنتدى فقط
بل بالمواضيع والاداره الجيده
نسأل الله التوفيق لكم
ولكم جزيل الشكر والامتنان