سلام في حلة رجال الجود والبيت الرفيع!!!!

[خيال الأصيله]

سلام في حلة رجال الجود والـــبــيت الرفيع = عتبان في وقت اللقامحدٍ يضد صـــفوفها
ان كان حاضر من ينوب يقدم اللي يستطيـع = ودنياهٍ لا يامن على مر الليالي صدوفها

[ماجد السميري]

يامرحبابك يالمسلم والحقايق ماتضيع=الله يبارك فالرجال اللي تعد حروفها
ابشر برجلٍ معه سيفٍ فاللقا يلمع لميع=والطيبه يرقالها واللي هزيل يطوفها

[نوآف الغنامي]

الله الله الله



صحت السنتكم .. مبدعين



متاااابع

[خيال الأصيله]

دام البقا ياللي ترحب والعرب ماهم جميع = لــــو ان كــــلٍ له مــنازل باللعيون تشوفها
اللمعه اللي مالها مفعول يمـــكـــن ياوديع = تضيع في سود الليال اللي دهاكم خوفها

[خيال الأصيله]

خيال الصفرا صح بدنك ولا هنت على المرور

[ماجد السميري]

ما يجحد فعول الرجال اهل الوفاء رجلٍ شجيع=واهل الوفاء ياصاحبي ما ينجحد معروفها
سيفي واعرفه كم وكم عاصي تحت حده يطيع=قدام تطلع تجربه لاهل الفخر وسيوفها

[ماجد السميري]

الله الله الله



صحت السنتكم .. مبدعين



متاااابع






صح بدنك

والابداع في حضورك لاهنت

[خيال الأصيله]

مانجحد ولاكن حذاري لا تموت من الصقيع = تـرا الـــعـــرب فيها بلا والشر قام يحوفها
خل السيوف وحدها كداد فالــخط السريع = ولقمتك يمكن يالعتيبي مامعك مصروفها

[ماجد السميري]

ياذيب ياللي تقنب انا احسبك تقطع كل ريع=واثر الذيابه ما تطابق فيك زين وصوفها
ما دام في سوق الغلا شرّفتنا أشتر وبيع=هذي نصيحه من جنابي جتك في مظروفها

[خيال الأصيله]

ياقوم ابن عاقل وداعتــكم بلاها فالوديع = يشيل اله نفسٍ ثقيله والسقم في جوفها

السوق طيب والبلا سلعتك داخلها رجيع = تجيب كلمه للـــعـــرب وتحذف نص حروفها

[ماجد السميري]

ياقوم ابن عاقل بلش في زبدةٍ قامت تميع=وهو نفسه عيوفٍ كل حاجه نقص تعوفها
ياصاحبي وصل سلامي معك لرجال الصنيع=مادام روس القوم ما تاخذ براي ضعوفها



خيال الاصيله


صح لسانك


وبيض الله وجهك


وتقبل خالص تحيااااااااااااااتي

[خيال الأصيله]

لا هنت يا ابن عاقل وصح بدنك يالغالي


دمنت بحفظ لله

[معجب العتيبي]

خيال الاصيله

ابن عاقل


صحة السنتكم