ضاامي وفااا
01-Nov-2009, 10:01 PM
البارحه ونيت يوم انتحى الليل=واقنب كما ذيبٍ تقانب اجنوبه
ماغير افكر باليال المقابيل=والامر كايد والعرب مادروا به
واجحد واجاحد في ضميري ولاويل=واضحك وقلبي فيه مثل الشبوبه
على هنوفٍ ذوقتني بهاذيل=سبع اسنواتٍ بالحبال امغصوبه
حاولتهم بالمال والحال والحيل=واثر الطريق مسكراتٍ دروبه
والصبر غلق والضماير مغاليل=والسر اهل جمع النمايم حكوا به
وانا بلايه من هل القال والقيل=والناس طرّاد الهوى برقوا به
يازين ياللي تدعج العين بالميل=عرضت عرضي للملا واهرجوا به
وذبحتني باوصاف زين التعازيل=والله خلقك النا عذاب وعقوبه
بنجل العيون اللي هدبهن مضاليل=عيون حرٍ في الهداد اقنصوا به
قاسيت منهن يالحبيب غرابيل=وسطن بقلبي والعرب ماسطوا به
والخد براقٍ سرى له تشاعيل=من يمّة المشرق انقرته هبوبه
والا يشادي ساطعات القناديل=لنبات قصرٍ للموك اسكنوا به
وعلى الجدايل ينثر المسك والهيل=سبيب صفراً للطراد امعصوبه
هايم بطن والعنق يزهى الخلاخيل=ضامر عسيفٍ من مناسب ضروبه
والردف يشدي نابيات الغراميل=واليا مشى يطوي عن الساق ثوبه
وجوابه احلى من درير الاباهيل=اللي بها واد الرشا ربعوا به
اشكي على نياف منصى المشاكيل=اليا جات صعبات الامور احسبوا به
نياف بن نماس ذيب الرياجيل=من لابةٍ يوم الطراد امحسوب
الاد سامر يوم وقت المحاويل=كم فارسٍ من سابقه حولوا به
وان قام عج الخيل مثل المخاييل=الشيخ من بين الجموع اطرقوا به
ربعٍ ليا ركبو على كنس الحيل=طرش العدا في حزّة الضيق جو به
وان زرفل المظور وانقضّت الخيل=ردّوا على الشيخ الكبير ورموا به
الذيب يشبع عقبهم في المداهيل=ورجالهم يوم الحرايب يلوبه
عيّات عرّافٍ عصاةٍ دواليل=والمجد مابين الرجال اشمخوا به
واليوم يانيّاف جتك المراسيل=من شاعرٍ تعرف لك الله اسلوبه
[/poem]
مرد الشاعر نيّاف بن نمّاس على الشاعر محمد بن حويل العصيمي
سر ياقلم وانا عليّ التفاصيل=من هيض بالي مالحقني صعوبه
حييت ياخطن لفا به تماثيل=ذكر عليّ هموم قلبٍ تلوبه
من شاعرٍ يعرف كما الجدي وسهيل=وذكره وصل غرب الديار وجنوبه
ابو مشاري زبن من حده الويل=زبن الجناه اليا جنوا والتجوا به
وبيته لعصمان الشوارب مداهيل=وهيف السمين اللي كبارٍ اعصوبه
من لابةٍ تعرف كما شاطي سهيل=ودقلاتهم بين الجموع مهيوبه
واليا تعلوا فوق حيلٍ مراميل=تضرب بهم شيب النضا كل جوبه
واليا بدا السبار روس الاقاذيل=وعط الصياح وزرفل الركب صوبه
يروون حد المرهفات المصاقيل=وكم شيخ قومٍ في الطراد احذفوا به
واللي نعد بكاسبين التنافيل=صحيح قولي والحضور اشهدوا به
وان كان تشك الود يامحمد حويل=وتقول قلبك من فؤادك غدوا به
اطلب وحنا ياعذاب المعاميل=المال تحت رضاك يرخص وجوبه
تحت الطلب والمال يدفع بلا كيل=والجاه نصخي به لرجل العروبه
وندفع عليهم من رجال المواصيل=اللي سنام المجد قد اعتلوا به
وان كان عيوا ماوراهم محاصيل=خله يولي والعوض في غيوبه
وانا جرالي ماجرالك من الشيل=من واحدٍ مامرني غار نوبه
من سبّته ودموع عيني هماليل=تذرف كما عدٍ تجاذب اغروبه
وحالي نحل ماباقي الا سماليل=دوبه يقوم بباقي الجسم دوبه
والوقت طال وفات بعض المحاويل=والصبر غلّق والحبيب انتحوا به
ياقل شكله ياعرب في هذا الجيل=عين اشقرٍ باعلى الجبال اشبكوا به
والصدر يزهى فيه مثل الفناجيل=والخد براقٍ تدلّت انصوبه
وتحت الشفايا الحمر غرٍ مذابيل=واليا مشى في مشي خلي عجوبه
ومن دونها حالوا رجالٍ حلاحيل=بين الرجا والياس ناسٍ عصوا به
وصبرٍ على الدنيا ليا صار به ميل=احسن من اللي عهدم ماوفوا به
وان كان صادك في هواهم محابيل = تمشي بدربٍ والعرب قد مشوا به
وختامها مني تحية وتهليل = عداد من طافوا وسعيٍ سعوا به[/poem][/poem]
ياركب اللي بعيد الدار تقربها=مافوقها الا الرسن والخرج وشدادي
من ساس هجنن معرّبةٍ مناسبها=وركابها في اللوازم قرم الاولادي
فجّا نحر هايمٍ شيبٍ محاقبها=وفي عينها نار حمراً تشعل أشعالي
ماتهتني بالمنام عيون راكبها=تقول ذيبٍ على نشر العرب عادي
تلفي على اللي علوم الطيب يكسبها=كساب قولة نعم مابين الاجوادي
تلفي محمد اليا هبّت هبايبها=ابو مشاري من اهل الطيب معتادي
ملفاً لربعٍ دنين النجر يعجبها=وراعي دلالٍ بهن البن وقنادي
وذبّاح حيلٍ تجي من جالبها=يرمى بهن في الصحون اجواز وافرادي
من الوفا والخساير مايحسبها=وبيته لكسّابة الطولات ميعادي
من لا بةٍ للعدا تتعب ركايبها=يامى غدت في نحاهم شقح الاذوادي
الاد عاصم اليا شبت حرايبها=ترو القنا في اللقا وسيوفٍ حدادي
يشكي لك الحال من روحه معذّبها=تقول يحداه عن نوم الملا حادي
والناس نامت وانا الجنبين اقلّبها=والكبد عيّت بعد لا تقبل الزادي
سبّة هنوفٍ اليا قضّت ذوايبها=وخضابها المسك والريحان والكادي
حبّه سطا بالضماير لين حل ابها=ابو جبينٍ كما نور القمر بادي
ادعج غنج حالة العاشق يصوّبها=والقلب من سبّته ماعاد يزدادي
هاذي سنه غترتي دايم معصبها=وان قلت هانت تجيب علوم جدادي
والرجل كثر السفر في الخط متعبها=بين المشاوير سردادي ومردادي
ودنياً تبذ المناحي من يعاتبها=والعمر يفنى وشغل العبد يزدتادي
الله يكافيك يالصاحب مصايبها=ايام والا انت لازم تاصل المادي
تسعى بها ناس ماتلحق مكاسبها=وأحدٍ يبا الفيد وأحدٍ راح مافادي
والطيّبه دايم الطيّب يفوز بها=والسيل يعتار من وادي اليا وادي
وانا وعن ماتحب النفس أجنّبها=واتبع كلام الولي ومحمد الهادي
وايضاً على قدر عقل الناس اخاطبها=تضرب لنا امثالها من عصر ابن هادي
وربعٍ تجيب الحقايق لا تكذبها=باللي على جرّته للناس ميرادي
واللي على الجود طايلةٍ شواربها=ماتعترض في السبيل لواحدٍ غادي
[/poem]
مرد الشاعر/محمدبن حويل العصيمي
يامرحبا بالذلول اللي براكبها=ومنجّبه من شجاعٍ قرم وعمادي
مافوقها الا الدّويرع مع جنايبها=والخرج والميركه من شغل بغداي
من ساس هجنن معرّبةٍ ضرايبها=واللي عليها عريب اعماق واجدادي
جتنا شعيله شكيمتها تلاعبها=وحادت عن النزل الادنا يمنا غادي
وحنا اليا جاتنا قمنا بواجبها=تكريم ركابها من بين الاشهادي
وبيوت ركّابها اللي معه جايبها=مايعترضها لك الله كل نقادي
من عند نياف راسمها وكاتبها=حيث ابو فيصل خبير امثال وسهادي
قرمٍ علومه على الطاله نفز بها=وله الفخر بين منشودٍ ونشادي
يشكي عليّ العلوم اللي مجرّبها=وهاذي سلوم العرب من عصر شدادي
قالاتنا معك والله مانشح ابها=بالمال والجاه يامفتول الازنادي
وان كان بالمال يرخص في مطالبها=وان كان بالضد حنّا ضد الاضدادي
وان كان بالجاه روس القوم نطلبها=نطلب لك القوم ونحل إلك الاعقادي
وان كان صمٍ بكم لا تستهم إبها=جنّب طريقٍ عليه الداب رصادي
والقاله اللي كثيراتٍ نشايبها=دايم وهي مثل سمٍ فوق الاكبادي
وايامنا يا وسيع العرف صار إبها=طارد ومطرود ومغوي وحسادي
حسيت بعلومي اللي كنت احس بها=ولا زلت مابين محدارٍ ومسنادي
من واحدٍ في العرب كبدي مصوّبها=سبع إسنواتٍ وانا في حرب وجهادي
سبع سنوات وانا اجاحد مصايبها=درّة بحر ماصدفها كل صيادي
وانا بلايه يابو فيصل قرايبها=وفتيلةٍ ولّت من نار وزنادي
وانا بلاي الذياب اللي تقانبها=تبدي لنا النايفه في كل مرصادي
لكن والله يابو فيصل ماصاحبها=نمشي على عز راس وصبر وعنادي
وان كان هزّت لي الدنيا مناكبها=اعرف مع الناس مصداري وميرادي
واترك جمالٍ تقرّط في غواربها=من يوم جا عضّها في روس الابدادي
اعطيك الامثال وبيوتٍ مرتبها=تا تسمع الناس شغّل موجة الرادي
اعدّها مع رجال العرف واعربها=مير اكثر الناس في ممشاه متحادي
ونفسي على الصبر يانياف غاصبها=وانا وشيطانها في حرب وجهادي
لكن احب البروق اللي سحايبها=من ساحل البحر يانياف تنقادي
بروقها في الدجا شبّت شبايبها=نوٍ سرى فيه برق وفيه رعّادي
ماغير افكر باليال المقابيل=والامر كايد والعرب مادروا به
واجحد واجاحد في ضميري ولاويل=واضحك وقلبي فيه مثل الشبوبه
على هنوفٍ ذوقتني بهاذيل=سبع اسنواتٍ بالحبال امغصوبه
حاولتهم بالمال والحال والحيل=واثر الطريق مسكراتٍ دروبه
والصبر غلق والضماير مغاليل=والسر اهل جمع النمايم حكوا به
وانا بلايه من هل القال والقيل=والناس طرّاد الهوى برقوا به
يازين ياللي تدعج العين بالميل=عرضت عرضي للملا واهرجوا به
وذبحتني باوصاف زين التعازيل=والله خلقك النا عذاب وعقوبه
بنجل العيون اللي هدبهن مضاليل=عيون حرٍ في الهداد اقنصوا به
قاسيت منهن يالحبيب غرابيل=وسطن بقلبي والعرب ماسطوا به
والخد براقٍ سرى له تشاعيل=من يمّة المشرق انقرته هبوبه
والا يشادي ساطعات القناديل=لنبات قصرٍ للموك اسكنوا به
وعلى الجدايل ينثر المسك والهيل=سبيب صفراً للطراد امعصوبه
هايم بطن والعنق يزهى الخلاخيل=ضامر عسيفٍ من مناسب ضروبه
والردف يشدي نابيات الغراميل=واليا مشى يطوي عن الساق ثوبه
وجوابه احلى من درير الاباهيل=اللي بها واد الرشا ربعوا به
اشكي على نياف منصى المشاكيل=اليا جات صعبات الامور احسبوا به
نياف بن نماس ذيب الرياجيل=من لابةٍ يوم الطراد امحسوب
الاد سامر يوم وقت المحاويل=كم فارسٍ من سابقه حولوا به
وان قام عج الخيل مثل المخاييل=الشيخ من بين الجموع اطرقوا به
ربعٍ ليا ركبو على كنس الحيل=طرش العدا في حزّة الضيق جو به
وان زرفل المظور وانقضّت الخيل=ردّوا على الشيخ الكبير ورموا به
الذيب يشبع عقبهم في المداهيل=ورجالهم يوم الحرايب يلوبه
عيّات عرّافٍ عصاةٍ دواليل=والمجد مابين الرجال اشمخوا به
واليوم يانيّاف جتك المراسيل=من شاعرٍ تعرف لك الله اسلوبه
[/poem]
مرد الشاعر نيّاف بن نمّاس على الشاعر محمد بن حويل العصيمي
سر ياقلم وانا عليّ التفاصيل=من هيض بالي مالحقني صعوبه
حييت ياخطن لفا به تماثيل=ذكر عليّ هموم قلبٍ تلوبه
من شاعرٍ يعرف كما الجدي وسهيل=وذكره وصل غرب الديار وجنوبه
ابو مشاري زبن من حده الويل=زبن الجناه اليا جنوا والتجوا به
وبيته لعصمان الشوارب مداهيل=وهيف السمين اللي كبارٍ اعصوبه
من لابةٍ تعرف كما شاطي سهيل=ودقلاتهم بين الجموع مهيوبه
واليا تعلوا فوق حيلٍ مراميل=تضرب بهم شيب النضا كل جوبه
واليا بدا السبار روس الاقاذيل=وعط الصياح وزرفل الركب صوبه
يروون حد المرهفات المصاقيل=وكم شيخ قومٍ في الطراد احذفوا به
واللي نعد بكاسبين التنافيل=صحيح قولي والحضور اشهدوا به
وان كان تشك الود يامحمد حويل=وتقول قلبك من فؤادك غدوا به
اطلب وحنا ياعذاب المعاميل=المال تحت رضاك يرخص وجوبه
تحت الطلب والمال يدفع بلا كيل=والجاه نصخي به لرجل العروبه
وندفع عليهم من رجال المواصيل=اللي سنام المجد قد اعتلوا به
وان كان عيوا ماوراهم محاصيل=خله يولي والعوض في غيوبه
وانا جرالي ماجرالك من الشيل=من واحدٍ مامرني غار نوبه
من سبّته ودموع عيني هماليل=تذرف كما عدٍ تجاذب اغروبه
وحالي نحل ماباقي الا سماليل=دوبه يقوم بباقي الجسم دوبه
والوقت طال وفات بعض المحاويل=والصبر غلّق والحبيب انتحوا به
ياقل شكله ياعرب في هذا الجيل=عين اشقرٍ باعلى الجبال اشبكوا به
والصدر يزهى فيه مثل الفناجيل=والخد براقٍ تدلّت انصوبه
وتحت الشفايا الحمر غرٍ مذابيل=واليا مشى في مشي خلي عجوبه
ومن دونها حالوا رجالٍ حلاحيل=بين الرجا والياس ناسٍ عصوا به
وصبرٍ على الدنيا ليا صار به ميل=احسن من اللي عهدم ماوفوا به
وان كان صادك في هواهم محابيل = تمشي بدربٍ والعرب قد مشوا به
وختامها مني تحية وتهليل = عداد من طافوا وسعيٍ سعوا به[/poem][/poem]
ياركب اللي بعيد الدار تقربها=مافوقها الا الرسن والخرج وشدادي
من ساس هجنن معرّبةٍ مناسبها=وركابها في اللوازم قرم الاولادي
فجّا نحر هايمٍ شيبٍ محاقبها=وفي عينها نار حمراً تشعل أشعالي
ماتهتني بالمنام عيون راكبها=تقول ذيبٍ على نشر العرب عادي
تلفي على اللي علوم الطيب يكسبها=كساب قولة نعم مابين الاجوادي
تلفي محمد اليا هبّت هبايبها=ابو مشاري من اهل الطيب معتادي
ملفاً لربعٍ دنين النجر يعجبها=وراعي دلالٍ بهن البن وقنادي
وذبّاح حيلٍ تجي من جالبها=يرمى بهن في الصحون اجواز وافرادي
من الوفا والخساير مايحسبها=وبيته لكسّابة الطولات ميعادي
من لا بةٍ للعدا تتعب ركايبها=يامى غدت في نحاهم شقح الاذوادي
الاد عاصم اليا شبت حرايبها=ترو القنا في اللقا وسيوفٍ حدادي
يشكي لك الحال من روحه معذّبها=تقول يحداه عن نوم الملا حادي
والناس نامت وانا الجنبين اقلّبها=والكبد عيّت بعد لا تقبل الزادي
سبّة هنوفٍ اليا قضّت ذوايبها=وخضابها المسك والريحان والكادي
حبّه سطا بالضماير لين حل ابها=ابو جبينٍ كما نور القمر بادي
ادعج غنج حالة العاشق يصوّبها=والقلب من سبّته ماعاد يزدادي
هاذي سنه غترتي دايم معصبها=وان قلت هانت تجيب علوم جدادي
والرجل كثر السفر في الخط متعبها=بين المشاوير سردادي ومردادي
ودنياً تبذ المناحي من يعاتبها=والعمر يفنى وشغل العبد يزدتادي
الله يكافيك يالصاحب مصايبها=ايام والا انت لازم تاصل المادي
تسعى بها ناس ماتلحق مكاسبها=وأحدٍ يبا الفيد وأحدٍ راح مافادي
والطيّبه دايم الطيّب يفوز بها=والسيل يعتار من وادي اليا وادي
وانا وعن ماتحب النفس أجنّبها=واتبع كلام الولي ومحمد الهادي
وايضاً على قدر عقل الناس اخاطبها=تضرب لنا امثالها من عصر ابن هادي
وربعٍ تجيب الحقايق لا تكذبها=باللي على جرّته للناس ميرادي
واللي على الجود طايلةٍ شواربها=ماتعترض في السبيل لواحدٍ غادي
[/poem]
مرد الشاعر/محمدبن حويل العصيمي
يامرحبا بالذلول اللي براكبها=ومنجّبه من شجاعٍ قرم وعمادي
مافوقها الا الدّويرع مع جنايبها=والخرج والميركه من شغل بغداي
من ساس هجنن معرّبةٍ ضرايبها=واللي عليها عريب اعماق واجدادي
جتنا شعيله شكيمتها تلاعبها=وحادت عن النزل الادنا يمنا غادي
وحنا اليا جاتنا قمنا بواجبها=تكريم ركابها من بين الاشهادي
وبيوت ركّابها اللي معه جايبها=مايعترضها لك الله كل نقادي
من عند نياف راسمها وكاتبها=حيث ابو فيصل خبير امثال وسهادي
قرمٍ علومه على الطاله نفز بها=وله الفخر بين منشودٍ ونشادي
يشكي عليّ العلوم اللي مجرّبها=وهاذي سلوم العرب من عصر شدادي
قالاتنا معك والله مانشح ابها=بالمال والجاه يامفتول الازنادي
وان كان بالمال يرخص في مطالبها=وان كان بالضد حنّا ضد الاضدادي
وان كان بالجاه روس القوم نطلبها=نطلب لك القوم ونحل إلك الاعقادي
وان كان صمٍ بكم لا تستهم إبها=جنّب طريقٍ عليه الداب رصادي
والقاله اللي كثيراتٍ نشايبها=دايم وهي مثل سمٍ فوق الاكبادي
وايامنا يا وسيع العرف صار إبها=طارد ومطرود ومغوي وحسادي
حسيت بعلومي اللي كنت احس بها=ولا زلت مابين محدارٍ ومسنادي
من واحدٍ في العرب كبدي مصوّبها=سبع إسنواتٍ وانا في حرب وجهادي
سبع سنوات وانا اجاحد مصايبها=درّة بحر ماصدفها كل صيادي
وانا بلايه يابو فيصل قرايبها=وفتيلةٍ ولّت من نار وزنادي
وانا بلاي الذياب اللي تقانبها=تبدي لنا النايفه في كل مرصادي
لكن والله يابو فيصل ماصاحبها=نمشي على عز راس وصبر وعنادي
وان كان هزّت لي الدنيا مناكبها=اعرف مع الناس مصداري وميرادي
واترك جمالٍ تقرّط في غواربها=من يوم جا عضّها في روس الابدادي
اعطيك الامثال وبيوتٍ مرتبها=تا تسمع الناس شغّل موجة الرادي
اعدّها مع رجال العرف واعربها=مير اكثر الناس في ممشاه متحادي
ونفسي على الصبر يانياف غاصبها=وانا وشيطانها في حرب وجهادي
لكن احب البروق اللي سحايبها=من ساحل البحر يانياف تنقادي
بروقها في الدجا شبّت شبايبها=نوٍ سرى فيه برق وفيه رعّادي