تعال ياسعود البرقاوي

[السيف البريع]

لاهنت ياسعود ::


سلام والبارق بعرض النوء والوجهه جنوب=والخير مقبل والبدو دايم تسوق ضعونها

ياسعود هبت من جهة برقا ذعاذيع الهبوب=وأظن عساس الخباري ماتجي من دونها

[سلطان ابن حامد]

طيب طيب

ومتابع من البدايه

والصف صف صديقي سعود : )

الليل

[السيف البريع]

ارحب يا سلطان

ولاهنت

[سعود البرقاوي]

ولا انت ياحبيب قلبي


يامرحبا ترحيبةٍ منها يطيبن القلوب = آقولها في ساعة مايختلف قانونها
الخير واجد والوعد قدام والوقت محسوب = يالغامدي وشلونك انت وعزوتك وشلونها

[عيد بن مرضي]

الله الله


السيف x سعوود


صح الله اااااااااااااالسنتكم


متااااااااااااابعين لكم

[سعود البرقاوي]

سلطان بن حامد
هذا العشم يامال الشحم
وشف شغلك

[سعود البرقاوي]

عيد بن مرضي
ارحب ارحب وحياك الله مليون

[نوآف الغنامي]

يا سلام



صحت السنتكم



مبدعين ..


سعووود ما اقول غار الله يعينكـ


من يد نشيط في يد نشيط :) :)



لكن انا في صفكـــ دايم :)

[سعود البرقاوي]

هههههههههههههه ياخيال الصفراء
هذا شغل المدرس الخصوصي

والصف يزهابك يالذيب

[مطلق الفليت]

يسلام يسلام


سعود =والسيف


قمة وبداع

[مرداس]

السيف


سعود


صحت السنتكم

[سعود البرقاوي]

اسد النير صح بدنك ولاعدمناك على هالتواجد المشرّف

[السيف البريع]

دام البقى ياللي ترحب عد همال النصوب= والقوم من سبع الدير لدت عليك عيونها

أخبرك وأخبر كل رجل ٍ ينتشد من كل صوب=عن ربعي الهيلا واظن عتيبة يعرفونها

[السيف البريع]

جميع من مر من هنا لاهنتوا

[سعود البرقاوي]

المسلم الماشي على السنة صري من الذنوب=والا النصارى في نهار القارعة يلقونها


غامد قبيلة وانت عن غامد صغيّر ماتنوب = منته بذايق تمرة العرجون من عرجونها

[سعود البرقاوي]

مرداس شرفتنا يالذيب وحياك الله ملايين

[مطلق الفليت]

المسلم الماشي على السنة صري من الذنوب
والا النصارى في نهار القارعة يلقونها


يسلام ياسعود ابداع

[سعود البرقاوي]

الابداع تواجدك وانا اخوك يا اسد النير
مرحبا ومسهلا

[السيف البريع]

أنته ذنوبك كبر ضلع النير لكن ماتتوب=لكن جنوبك ياولد برقا بوسع كونها

حنا صحابة خير من سارت معه كل الشعوب=والا انت فيك أهل الوفا دايم تخيب ظنونها

[عيد العازمي]

السيف


سعود


صحت السنتكم



غامد قبيلة وانت عن غامد صغيّر ماتنوب
منته بذايق تمرة العرجون من عرجونها


ههههههههه ياسلام يابو فهد قيصر ابداع

[معجب العتيبي]

السيف وسعود



مبدعين



صحة السنتكم

[سعود البرقاوي]

ان قلت لك كلك نظر وان قلت لك كلك عيوب = اثمّن القالة واجيب طروقها ولحونها
مع كثرة الالسن ترانا نعرف لسان الكذوب = ياهل الخيول اللي تطول اذانها وسنونها

[سعود البرقاوي]

ابو طلال قليل من كثير عندك
صح بدنك ولانستغني

[السيف البريع]

إن جت لتثبيت الحجج ياقرب شمسك للغروب=أنا زبون الاولة وأقدر على مضمونها


دام إن سيف المجد يقطع كل مخلاب ٍ نهوب=عان الامانة يالعتيبي في يدا مامونها

[سعود البرقاوي]

ان جت لتثبيت الحجج يمكن تضيق بك الدروب = روح العب العرضة مع المجنون يامجنونها
العام شفناكم جماعة في رجاء ديس الحلوب = الغامدي عنده قدح والربع في ماعونها

[السيف البريع]

عرضة رجال وهي عوايدنا من ايام الحروب=ولا انت صفق للهزيمة لاسحبت ردونها


الله وكبر صاير ٍ تدحم متينين الجنوب=وانته بضاعه جت بها الامواج في كرتونها

[سعود البرقاوي]

اعرض على الطبلة وحنا نلبسك غترة ثوب = هذاه فن وكل ناسٍ تعترف بفنونها
ادحمك بالجنب القوي وان كانها شبت شبوب = نبا نعوّد للسيوف اللي وسيع طعونها

[السيف البريع]

نعرض وتعرفنا زحول القوم في قرع الخطوب= ولا انت مثل اللي تحاول في الجبل بقرونها

تبغى وتبغى يالعتببي وانت مجلوب محطوب=ترى العميرة ماتعرف الا تلم شنونها

[السيف البريع]

لاهنت ياسعود وتصبح على خير انت والحاضرين

[مــــحــــمــــد]

ادحمك بالجنب القوي وان كانها شبت شبوب
نبا نعوّد للسيوف اللي وسيع طعونها


الله الله يابو فهد صح لسانك حتى ترضى

ولايهون الغامدي

[سعود البرقاوي]

آقول انا ماني على بعض السواليف مغصوب = اهرج مع اهل المعرفة واسمع واراعي شونها
جر الحظير وروح في فالك مثل فال السحوب = مدام لونك ياصبي غامد يشابه لونها

[سعود البرقاوي]

صح لسانك يالسيف البريع وتقبل تحياتي واعجابي
وتصبح على خير

[سعود البرقاوي]

محمد
ارحب ملالالالالاين ياطويل العمر وشرفتنا